Ən təhlükəli xərçəng növünü müalicə edən DƏRMAN TAPILDI
247 |
Sağlamlıq
Avstraliyanın Qarvan Tibbi Tədqiqatlar İnstitutunun alimləri xərçəngin ən təhlükəli növlərindən birinə - mədəaltı vəzin adenokarsinomasına qarşı təsirli olan dərman tapıblar. Bu xəstəliyə tutulduqdan sonra pasiyentlərin beş il sağ qalma nisbəti 10 faizi keçmir.
Araşdırmanın nəticələri “Nature Cancer” jurnalında dərc olunub.
Məlumata görə, yeni preparat ( PXS-5505) şişlərdə lifli toxumaya (kimyaterapiyanın effektivliyini azaldan çapıqlar şəbəkəsinə) təsir göstərir.
Təcrübələr zamanı PXS-5505 kimyəvi terapiya ilə birlikdə sınaqdan keçirilib. Eksperimental heyvanlarda sağ qalma müddəti yalnız kimyaterapiyadan istifadə edən qrupla müqayisədə 35 faizdən çox olub.
Qarışıq terapiya həmçinin xərçəngin digər orqanlara, məsələn qaraciyərə yayılmasını (metastaz) 45 faiz azaldıb.
Hazırda preparat sümük iliyi xərçənginin müalicəsi üçün klinik sınaqların ikinci mərhələsindədir.
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir
