243 |
İdman
Yeniyetmə idmançılarımız Rumıniyanın Mamaya şəhərində keçirilən şahmat üzrə Avropa Çempionatında Azərbaycanı qürurla təmsil edirlər.
Rumıniyanın Mamaya şəhərində keçirilən Şahmat üzrə Yeniyetmələr arasında Avropa Çempionatında 8 zəka sahibimiz - Cansu Əlizadə, Cavad Abbassoy, Məryəm Məmmədova, Ömər Oruczadə, Rəna Ağamirzəyeva, Cəmaləddin Maqsudsoy, Aişə Əliyeva, Məhəmməd Bağırov iştirak edirlər.
Sözügedən şahmatçılar iyul ayında Azərbaycan Respublikasının Gənclər və İdman Nazirliyi, Elm və Təhsil Nazirliyi, həmçinin Azərbaycan Şahmat Federasiyasının dəstəyi ilə “LANDAU School”un “Sea Breeze” korpusunda keçirilmiş Yeniyetmələr arasında ikinci LANDAU Şahmat Festivalının fərqli kateqoriyalar üzrə (8, 10, 12 və 14 yaşadək oğlanlar və qızlar arasında) qalibləri olublar və “LANDAU School”un tam dəstəyi ilə Avropa Çempionatında iştirak etmək şansı əldə etmişdilər.
“LANDAU School” Azərbaycan idmanının inkişafı üçün daim öz töhfələrini verir, həmçinin bu istiqamətdə silsilə tədbirlər keçirilir. Bu il baş tutmuş Yeniyetmələr arasında ikinci LANDAU Şahmat Festivalı da bu növ tədbirlərdən sadəcə biridir.
Qeyd edək ki, 2018-ci ildə fəaliyyətə başlamış “LANDAU School” Azərbaycanda müasir tədris təcrübəsinə uyğun metodoloji yenilikləri tətbiq etməklə, təhsil sahəsində özünəməxsus mövqeyə sahib olan özəl orta məktəbdir. Hazırda 3000-dən çox şagirdin təhsil aldığı və Qafqazın ən böyük özəl məktəblərindən biri olan “LANDAU School”da tədris Azərbaycan, rus və ingilis dillərində aparılır.
“LANDAU Education Group”a ən böyük layihəsi olan “LANDAU School” ilə yanaşı, “LANDAU Kindergarten” (uşaq bağçası), “LANDAU PreSchool” (məktəbəqədər təhsil müəssisəsi), “LANDAU Evening School” (“LANDAU School”a və digər özəl orta məktəblərə qəbul üçün hazırlıq kursları), “LANDAU Academy” (müəllimlər üçün ixtisasartırma kursları), “Leo Kids” (uşaqlar üçün özünüinkişaf mərkəzi), “Leznik & Co.” (universitetlərə hazırlıq kursları və xaricdə təhsil xidməti), “Nine Senses” (incəsənət mərkəzi) layihələri də daxildir.
