Sabir Rüstəmxanlı: “Xaricdən gələnlərin Azərbaycanda ov eləməsinə qadağa qoyulmalıdır”

“Dünyanın müxtəlif ölkələrindən Azərtbaycana gəlib burda heyvan ovçuluğu ilə məşğul olanların sayı artıb. Ərəb ölkələrindən müəyyən vəsaitlə gəlirlər və Azərbaycan büdcəsinə ciddi bir xeyir vermədən nadir heyvanların kökünü kəsirlər”.

Versus.az xəbər verir ki, bunu Milli Məclisin deputatı Sabir Rüstəmxanlı bildirib.

Deputat bu məsələ ilə bağlı çoxlu şikayətlərin olduğunu deyib və Ekologiya Nazirliyini bu məsələdə ciddi qayda yaratmağa çağırıb.

Ov mövsümündə Qızılağac qoruğuna getdiyini və orada sanki bir müharibə ilə qarşılaşdığını deyən deputat buna son verilməsinin zəruriliyini önə çəkib:

“Səhərdən axşama qədər silah səsləri, atışma eşidilir. Bu səsə hansı quş gələr? Qızılağac qoruğu indi əvvəlki qoruq deyil. Dağlarda qalan müəyyən təbii sərvətləri var. Onların da kökününü kəsilməsinə yol vermək olmaz. Xaricdən gələnlərin ov eləməsinə qadağa qoyulmalıdır".

Tahirə Qafarlı