Ana dilim - ƏZƏMƏTİN QƏLƏBƏSİ
Sənin azadlığının qorunması uğrunda aparılan mübarizələr
/AXCP sədr müavini/
Ana dili. Beşik nəğməm. Dünyaya göz açarkən eşitdiyim ilk söz - Ana...
Bəşəriyyətin yaradıcısı və onun dili. Yaradıcıya bəslədiyimiz münasibətin onun dilində inikas tapması. Hər şeydən doğma və əziz olan ana dilim. Sənin azadlığının qorunması uğrunda aparılan mübarizələr...
Babəkinin, Şah İsmayılının səni yadellilərə təslim etməmək əzmkarlığı. Nəsiminin, Nəimininin səni yad ünsürlərdən təmizləmək cəhdləri. Bu, sənin əzəmətinin qələbəsini, tarixinin qədimliyini sübut edir.
"Apardı könlümü bir xoş qəməryüz canfəza dilbər" - deyən Həsənoğlunun lirik ricətlərindəki zənginliyi dilin çox- çox əvvəllər mövcudluğundan bəhs edən bu dil Xətainin qoşmalarında, Vaqifin şirin ləhcəsində qorunub saxlandı... Mirzə Fətəlinin dilin və əlifbanın xalqın tarixinin önəmli yerdə olması uğrunda apardığı mübarizələrdə yaşadı bu dil... Mirzə Cəlilin bütün dillərin müqəddəsdir "Anamın dili" deməsi ilə böyüdü bu dil... Sabirin satiralarında sevildi bu dil. Beləcə, yol gəldi əsrlər, illər keçərək.
Gündən-günə zənginləşdi və bitkinləşdi bu dil... Bəxtiyarın 27 yaşındaikən ana dilim deyərək, öldürüldüyü "Mərziyə"-nin dilindən dediyi: "Hər millətin ən qiymətli sərvətidir, ana dili" sözlərində yaşadın sən... Və yaşayacaqsan.
"Övladların yer üzünə səpələnsə də, pərən-pərən düşsə də" - Sən onların vəhdəti olacaqsan, doğma dilim.
Xəbər lenti
Erməni lobbisi və onların havadarlarından TƏXRİBAT
Almaniyada etiraz aksiyası planlaşdırılır