Muzeydə Polşa səfiri ilə GÖRÜŞ
Milli Azərbaycan Tarixi Muzeyində muzeyin direktoru, akademik Nailə Vəlixanlı ilə Polşa Respublikasının ölkəmizdəki fövqəladə və səlahiyyətli səfiri cənab Rafal Poborski arasında görüş baş tutub.
Versus.Az xəbər verir ki, görüşdə Polşanın Azərbaycandakı tarixi irsi, Azərbaycan-Polşa mədəni, tarixi əlaqələri və Polşa tərəfi ilə Muzey arasında səmərəli əməkdaşlıq layihələri haqqında danışıqlar aparılıb.
Hər iki tərəf arasında gedən səmimi və işgüzar söhbətdən sonra cənab Səfir polşalı memar İosif Qoslavskinin layihələndirdiyi binada fəaliyyət göstərən məşhur xeyriyyəçi H.Z.Tağıyevin ev-muzeyini ziyarət edib. Muzeydən xoş təəssüratlarla ayrılan qonaqlara muzeyin dəyərli eksponatları əsasında hazırlanmış nəşrləri hədiyyə olunub və xatirə fotosu çəkilib.
Ayəndə Dadaşova
versus.az
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir