Prezidentliyə namizəd Fuad Əliyevin seçicilərlə görüşü davam edir. Namizəd bu dəfə Ağsuda seçicilərlə görüşüb.
Versus.Az xəbər verir ki, bu barədə Vətəndaş Birliyi seçki qərargahının məlumatında bildirilib.
Bildirilir ki, Ağsuda keçirilən prezidentliyə namizəd Fuad Əliyevlə təbliğat görüşündə seçicilər çətin sosial qayğılardan, maaşların, pensiyaların azlığından, gənclərin iş tapa bilməməsindən, müharibə döyüşçülərinin qarşılaşdıqları problemlərdən şikayətləniblər.
Görüşdə xeyli şikayət məktubları, müraciətlər toplanıb.
Səfər qayıdışından sonra yolüstü Şamaxıda bir qrup şamaxılılarla M.Ə.Sabirin abidəsi önündə xatirə fotosu çəkilib.