“Ermənilər nə qələt edirsə eləsin...”

12:09 28-02-2019 | icon 281 | Siyasət
“Ermənilər nə qələt edirsə eləsin...”

“Ermənilər nə qələt edirsə eləsin, biz işğal olunmuş ərazilərimizi, o cümlədən Ermənistan ərazisində qalan torpaqlarımızı geri almalıyıq. Biz, bir məsələnin üzərində dayanmalıyıq ki,  Ermənistan Azərbaycan torpaqları əsasında yaranıb, bura gəlmə xalqdır və rusun əlində bir maşadır”.

 

Bunu Versus.Az-a ADP sədri Sərdar Cəlaloğlu Rusiyada ermənilərin Naxçıvan adında monastr açmaları ilə bağlı açıqlamasında deyib.

 

Sərdar Cəlaloğlu: “Rusiyada ermənilərin Naxçıvanın adını öz yaşadıqları əraziyə vermələri təsadüfi deyil”

 ADP sədri Rusiya ərazisində Naxçıvan adına monastırın açılmasını Ermənistan-Rusiya əlaqələrinin beynəlxalq hüquqa zidd olan ittifaqının nəticəsi kimi dəyərləndirib.

 

“Rusiyada yaşayan ermənilərin Azərbaycanın qədim yurdu olan Naxçıvanın adını vaxtilə öz yaşadıqları əraziyə vermələri, indi də həmin adda monastr inşa etmələri təsadüfi deyil. Rusiya türk xalqlarına, türk dövlətinə qarşı, Azərbaycana qarşı həmişə düşmənçilik siyasti aparıb və erməniləri bizə qarşı ərazi iddialarına təşviq edib. Amma başqalarının torpaqlarını nə qədər öz adlarına çıxsalar da, bunu tarixə sübut edə bilməzlər”.

 

S.Cəlaloğlu bildirib ki, ermənilər Rusiyadan Azərbaycana qarşı istifadə etməsəydi, bir saat da olsa Rusiya ilə ittifaqda olmazdılar.  Eləcə də ruslar ermənilərdən Azərbaycana qarşı istifadə eləməsəydi, bu qədər xərc çəkib Ermənistanı saxlamazdılar:

 

“Ermənilər Qafqaz xalqlarına aid deyillər. Onlar 2500 il bundan qabaq Fransadan Aralıq dənizinin cənub sahillərinə, oradan Dəcla və Fərata, daha sonra Türkiyə ərazisindəki Van gölü ətrafına köçürülüblər. Sonradan ruslar onları Qafqaza gətirərək öz maşası kimi istifadə edib. Əgər onlar torpaq axtarırlarsa, Fransa ərazisinə getsinlər. Çünki ermənilərin qan yaddaşı olan Fransa onları çağırır və bu gün də ora üz tutublar”.

 

ADP sədri hesab edir ki, ermənilər Rusiyada açdıqları hər hansı təşkilata Azərbaycanın adlarını verməklə əsas diqqəti Dağlıq Qarabağın işğalından yayındırmaq istəyirlər.

 

 

Əlabbas Məhərrəmli: “Ermənilərin sərsəmliklərinə ciddi reaksiya vermədikcə, belə faktlarla çox üzləşəcəyik”

  Siayasi ekspert Əlabbas Məhərrəmli Versus.Az-a bildirib ki, bir neçə il əvvəl həmin monastrla bağlı ictimai etirazlar olsa da, nəticəsi olmayıb. Bunun da səbəbi məsələyə rəsmi etirazın verilməməsidır. Ekspertin sözlərinə görə, bu cür məsələlərə rəsmi səviyyədə etiraz bildirilmədikcə vəziyyət ziyanımıza inkişaf edir:

 

“Bu işlə Xarici İşlər Nazirliyi və bizim Rusiyadakı səfirlik məşğul olmalı idi. Ancaq nə hərəkət oldu, nə də nəticə. Bir neçə ay əvvəl  Rusiyada “Artsax” adlı bir kompleks də istifadəyə verildi. Yəni cəmiyyətdən etiraz səsləri ucaldılsa da, rəsmi səviyyədə heç nə deyilmədi. Ermənilərin bu cür sərsəmliklərinə ciddi reaksiya verilmədikcə, belə faktlarla çox üzləşəcəyik. Bu işlə Xarici İşlər Nazirliyi və Rusiyadakı səfirliyimiz məşğul olmalıdır. Təəssüf ki, onların da başı daha “ciddi” məsələlərə qarışıb”.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

ALDP Bayraq Gününü belə qeyd etdi - VİDEO

"Azərbaycan Prezidentinə şikayət etməyimə mane olurlar"

İraq türklərinin mənəvi lideri Riyaz Sarıkahyanın ailəsinə ağır itki üz verib

Qarabağ xanı Mehdiqulu xanın bayrağı və ona həsr olunmuş kitabın təqdimatı

“Bu xəstəlik vaxtı vanna qəbul etmək olmaz”

"Proporsional seçki sistemi ləğv olunandan sonra, vətəndaşlarda partiyalara maraq azaldı"

Qadının ən gizli orqanının sirri açıldı

BSU-da Dövlət Bayrağı Gününə həsr olunmuş tədbir keçirilib

"Keçirilən aksiyalar da xalq naminə deyil, mühacir biznesinin inkişafına yönəlib"

“Bu məsələlər dövlət səviyyəsində araşdırılmalıdır” - MÜSAHİBƏ

Deputat əlillər, təhsil və Qarabağ həqiqətlərindən danışdı, bir sıra təkliflər irəli sürdü

MƏN ÇEYNƏNƏN BİR ÖLKƏNİN "HAQQ" BAĞIRAN SƏSİYƏM...

Suraxanı rayonuna yeni icra başçısı təyin edilib

Onu ömürlük həbs cəzası gözləyə bilər

Zərdaba yeni icra başçısı təyin edildi