MMP gəncləri təbrik edir
Müasir Müsavat Partiyası Azərbaycan gənclərini bu gün münasibəti ilə təbrik edib.
Versus.Az xəbər verir ki, bu barədə partiyanın rəsmi "facebook" səhifəsində paylaşım edilib.
Paylaşımda deyilir:
"Partiyamızın Gənclər Təşkilatında gənclərin siyasi fəaliyyətinə yaratdığımız şərait həm də onların özlərini siyasətdə sübut etmələrinə partiya olaraq dəstəyimizdir. Təməli ümummili liderimiz Heydər Əliyev tərəfindən qoyulan gənclər siyasətini MMP-də layiqincə davam etdiririk.
Məlumdur ki, dövlətimizin adına xələl gətirmək istəyən, cəmiyyətimizi korlamağa çalışan bir bapa ünsürlər öz çirkin əməllərini müstəqil həyata təzəcə qədəm qoyan gənclərimiz vasitəsi ilə gerçəkləşdirmək istəyirlər. Gənclərin sağlam düşüncələrini öz mənfur məqsədləri üçün zəhərləməyi qarşılarına məqsəd qoyan bu “sapı özümüzdən olan baltalar” meydanı boş görməsin deyə bizim borcumuzdur ki, gəncləri düzgün yola çəkək. Bu həm də siyasətçi olaraq bizlərin Ulu Öndərin gənclər siyasətinə məsuliyyətli yanaşmamız sayılır.
Xatırlatmağa gərək var ki, Azərbaycan gəncliyinin inkişafında və gənclərin dövlət qurumlarına inteqrasiya olunmasında böyük xidmətləri olan ulu öndərin 1997-ci il fevralın 2-də Azərbaycanda “Gənclər Günü”nün elan oluması ilə bağlı Fərmanı bu sahədə atılan addımlardan biridir. Ulu öndər Heydər Əliyevin gənclərlə bağlı fikirləri və onun yaratdığı fəlsəfi ideyalar bu gün də aktualdır və cənab Prezident İlham Əliyev tərəfindən davam etdirilir".
Xəbər lenti
Sakinlərin NƏZƏRİNƏ
Sabah bəzi ərazilərdə qaz olmayacaq