Azərbaycanın ideya və məqsədləri ilə bağlı mesajlar verən BƏYANNAMƏ

13:15 10-07-2024 | icon 659 | Siyasət
Azərbaycanın ideya və məqsədləri ilə bağlı mesajlar verən BƏYANNAMƏ

Ramil Hüseynov: “Eyni kökdən olan siyasi güclərin Şuşada toplaşmasının perspektivi genişdir”

 

“Yeni dünya düzənində Azərbaycanın qurduğu reallıqların nəticələri Şuşa Bəyannaməsindən sonra Türk dövlətlərinin qeyri-rəsmi görüşündə imzalanan Qarabağ Bəyannaməsi ilə tarixə düşdü. Türk Dövlətlərinin Şuşa sammitində imzaladığı Bəyannamə Azərbaycanın geosiyasi, siyasi, iqtisadi, hərbi müstəvidə əldə etdiyi uğurların və bölgədə sülhün bərpa edilməsinə yönəlik addımlarının məntiqi nəicəsidir”.

 

Bunu Versus.Az-a açıqlamasında “Yeni Xətt” Siyasi Tədqiqatlar Mərkəzinin rəhbəri Ramil Hüseynov bidirib.

 

R.Hüseynov qeyd edib ki, müstəqillik dövrünün ilk illərində Azərbaycanda baş qaldıran erməni separatizminə, işğalına qarşı atılan geosiyasi, diplomatik, hərbi addımlar 30 ildən sonra öz nəticəsini verməklə, beynəlxalq güclərin həqiqəti görməsini təmin edə bildi:

 

“Qlobal dünyanın ikilistandartlı yanaşmalarına baxmayaraq, geosiyasi, diplomatik gedişlərdə beynəlxlaq hüququn prinsiplərini qoruyan ölkəmiz, ədalətli mövqeyi ilə beynəlxalq hüququ özünün gücünə inandırdı. Azərbaycan torpaqlarının Ermənistanın işğalından azad edilməsi, ərazi bütövlüyü və suverenliyinin bərpası regionda maraqlı olan Avropanın, Qərbin bir sıra dövlətlərinin, təşkilatlarının aqressiyası, əks-hücumları ilə müşahidə olunsa da, artıq regionda yeni geosiyasi reallıqlar yaradan dövlətimiz özünün qətiyyətli mövqeyi ilə ayrı-ayrı ölkələrə qarşı müstəmləkə, “parçala, hökm sür” siyasəti yürüdən dövlətlərə özünün “qonşuluq, əməkdaşlıq, tərəfdaşlıq sülh prinsipləri paketini” təqdim etdi və digər ölkələrdən də adekvat yanaşma tələb edir”.

 

R.Hüseynov bildirib ki, Şuşa sammitindən əvvəl Şanxay Əməkdaşlıq Təşkilatının sammitində qonaq qismində iştirak edən Prezidentin Çin kimi iqtisadi, hərbi gücü olan dövlətin başçısı ilə görüşü, elcə də Pakistan, Türkiyə dövlət rəsmiləri və  Rusiya dövlət başçısı ilə ikitərəfli görüşləri və oradan deyilən sözlər bir daha Azərbaycanın regiondakı əhəmiyyətini ifadə etdi. Onun sözlərinə görə, Türk dövlətlərinin imzaladığı Qarabağ Bəyannaməsinin perspektivlərinə nəzər yetirəndə eyni köklərə malik türk ailəsinin inkişafının labüdlüyü ortaya çıxır:

 

“Heç şübhəsiz ki, bu sənəd region, eləcə də türk dövlətlərinin iqtisadi, siyasi təhlükəsizliyini təmin etmək gücündədir və ölkələr üçün faydaları olacaq. Qarabağ Bəyannaməsi Türk dünyasını bizim regionda birləşdirir. Bu eyni zamanda regiona soxulmaq üçün boşluq axtaran, gərginliyi yaratmaq istəyən Fransa və Avropanın bəzi dairələrinin aqressiyasını yumşaltmaq üçün təsirli “məlhəm” olacaq. Qarabağ Bəyannaməsi dünyada sülh, təhlükəsizlik, sabitlik, inkişaf və tərəqqi ideyalarına sadiqliyi, eyni zamanda türk xalqlarının ortaq etnik kökləri, tarixi, dili, mədəniyyəti, ənənələri və dəyərlərinə söykənən ailə olduğunu bəyan edir. Türk Dövlətlərinin imzaladığı Qarabağ Bəyannaməsi dünyanın gözünün zilləndiyi və bəzi güclərin daha çox münaqişə ocağı kimi saxlamağa çalışdıqları Qarabağın “Bura Azərbaycandır və bu ölkənin dostluq, tərəfdaşılıq, qardaşlıq masasında Qazaxıstan, Pakistan, Türkiyə, Macarıstan, Şimali Kipr, Özbəkistan, Qırğızıstanı kimi dostları oturub” mesajını verdi. Qarabağ Bəyannaməsi eyni zamanda türk xalqlarının qitə miqyasında töhfələrini, qlobal siyasət, iqtisadiyyat və sivilizasiyaların inkişafında tarix boyu oynadığı rolunun dəyərini ortaya qoyur”.

 

R.Hüseynov qeyd edib ki, bu gün yeni dünya düzəninin formalaşdığı mərhələdə və hər kəsin korparativ maraqları, beynəlxalq gücü, idarəçilik, metod və qaydaları diqtə etdiyi vaxtda yeni siyasi güc- qüvvələrə ehtiyac var. O, bu mənada hesab edir ki, eyni kökdən olan siyasi gücün bu gün Şuşada toplaşmasının perspektivləri genişdir. Mərkəz rəhbəri hesab edir ki, Qarabağ Bəyannaməsi bu gün türk ailəsinin Qərblə Şərqi birləşdirən, transmilli layihələrin mərkəzi olan Azərbaycanın ideya və məqsədləri ilə bağlı mesajlarını verdi, çağırışlarını etdi.

 

R.Hüseynov hesab edir ki, Qarabağın işğaldan azad olunması ilə regionda yaranan reallıqlar Azərbaycanın öz iqtisadi gücünü, inteqrasiyaya açıq olmasını, qlobal iqtisadi layihələr üçün münbit və əlverişli məkan olduğunu dünyaya təqdim edə bilir və qəbul olunur. Eləcə də qeyd edib ki, Qarabağ Bəyannaməsi Azərbaycanın beynəlxalq münasibətlər sisteminə sülh, məkdaşlıq mesajı, Şərqin ən böyük dövləti olan Çindən ta Avropaya, İngiltərəyə qədər uzanan Bir Kəmərlə bağlı aparılan siyasi prosesin davamı kimi uğurlu addımdır:

 

“Buna görə də Azərbaycan diplomatiyasının regionda sülhün və sabitliyin davamlı bərqərar olması üçün aktiv fəaliyyəti zərurətdir. Heç şübhəsiz ki, bir çox maraqlı güclər türk dövlətlərinin Şuşada toplanması və birgə sənəd imzalamasını həzm edə bilmir. Lakin nəticələr deməyə əsas verir ki, milli dövlət maraqlarımızı qorumaq üçün seçdiyimiz yol xəritəsi doğrudur. Türk Dövlətləri Təşkilatının yardılması, 6 iyulda imzalanan Qarabağ Bəyannaməsi, yaxın aylarda dünyanın ən nüfuzlu dövlət, hökumət adamlarının, şirkətlərinin toplaşacağı COP 29 konfransının, dünyada baş verən proseslərin diqtəsidir. Beləliklə, Azərbaycan regionun Mərkəzçi dövləti olaraq dünyaya geniş və əhatəli sahələr üzrə çıxışlar əldə etmklə əsas aparıcı güc olaraq formalaşır. Qarabağ Bəyannaməsi ilə gedilən bu Yol xəritəsi Türk Dövlətləri Təşkilatının böyük güc mərkəzinə çevrilməsi zərurətini ortaya qoyur. Bu proses Ermənistanın tez bir zamanda konstitusiyasında dəyişiklik etməklə ərazi idialarından əl çəkməsini, transmilli layihələrin daha geniş reyslə sürətlə inkişaf etməsi üçün sülh müqaviləsinə imza atmasını tələb edir. Əks halda Ermənistanın böyük layihələrin, böyük güclərin təsiri ilə əriməsi, yox olması təhlükəsi var”.

 

Mərkəz rəhbəri cərəyan edən bu prosesin fonunda Azərbaycan dövlət başçısının tutduğu mövqenin dərin keçmişə və dərin gələcəyə hesablandığını qeyd edib. Onun fikrincə, bu proses COP 29 konfransında daha da sürətləncək və beynəlxalq ictimaiyyət Azərbaycanla bağlı reallıqları, onun əhəmiyyətini, gücünü yenidən dərk etmək imkanı qazanacaq:

 

“Bu gün dünya güclərində Azərbaycanla iqtisadi, siyasi əməkdaşlıqlar həyata keçirilmək üçün bir istək duyğusu yaranıb. Bu, ölkə başçısınınn verdiyi siyasi qərarlar və ölkəmizin inkişafı üçün əldə edilən uğurların nəticəsdir. Heç şübhəsiz ki, Azərbaycanın beynəlxalq müstəvidə qurduğu iqtisadi əlaqələr, Şərqdən Qərbə, Cənubdan Şimala uzanan iqtisadi layihələrin aktivliyi, inkişafı ölkə əhalisinin yaşayış səviyyəsinin artmasına da öz töhfələrini verəcək”.

 

T.Qafarlı

Xəbər lenti

InvestAZ

Ən çox oxunan xəbərlər

Azərbaycanın ideya və məqsədləri ilə bağlı mesajlar verən BƏYANNAMƏ

"ŞƏT-in Azərbaycana faydası olduğu qədər Azərbaycanın da ŞƏT-ə qiymətli töhfələri var"

"Azərbaycan növbəti dəfə olduqca təsirli bir addım atmış oldu”

“Qarabağ Bəyannaməsi artıq o qüvvələri çıxılmaz vəziyyətə salır”

"Deputatların növbəti görüşü də müsbət dəyərləndirilməlidir"

Ürək bulantısı
XƏSTƏLİKLƏRDİRMİ?

Telejurnalist MTM-nin mətbuat katibi oldu

Bu həftədən seçki sənədlərinin DSK-lara təqdim edilməsinə BAŞLANILIR

Azərbaycanda elektron pullar dövriyyəyə BURAXILACAQ

“WhatsApp” casus PROQRAMIDIR

“Deputatların görüşü vacib görüşlərdən biri kimi səciyələndirilməlidir”

Metroplitendən hər kəsi şok edəcək AÇIQLAMA

Sabah beş rayonda qaz OLMAYACAQ

Ölkə Trendində BİRİNCİ

Sumqayıt çimərliyində ifşa edilən ÖZBAŞINALIQ