"Problemli kreditlərlə bağlı Fərman mühüm addımdır"

"Vətəndaşların problemli kreditləri ilə bağlı məsələni Milli Məclisdə dəfələrlə qaldıran bir millət vəkili olaraq cənab Prezidentin fiziki şəxslərin problemli kreditlərinin həll edilməsi ilə bağlı tapşırıqlar verəcəyinə inanırdım".

Versus.Az-ın məlumatına görə, bunu sosial şəbəkədə yazdığı şərhdə millət vəkili Qənirə Paşayeva bildirib.

Millət vəkili demək olar k,i hər ay vətəndaşlardan problemli kreditlərlə bağlı məktublar aldıqlarını, onlarla görüşlərdə bununla bağlı müraciətlərin olduğunu vurğulayıb:

"Mənə müraciət edən vətəndaşlar da hər zaman cənab Prezidentin onların bu problemini həll edəcəyinə inandıqlarını bildirirdilər. Cənab Prezidentin problemli kreditlərin həllinə yönələn Fərmanı çox önəmli addımdır. Bu Fərmana görə özümün və seçicilərimin adından cənab Prezidentə təşəkkürümü bildirirəm. Cənab Prezidentin fiziki şəxslərin problemli kreditləri ilə bağlı əlavə tədbirlər planı haqqında Fərmanı yüzlərlə insanlara problemini köklü şəkildə həll etmək imkanı verdi. Bu Fərman vətəndaşların sosial vəziyyətinə müsbət təsir edən çox mühüm bir addımdır".

Versus.Az