Növbədənkənar Parlament seçkiləri GÜNDƏMƏ GƏLDİ

08:08 27-03-2024 | icon 368 | Siyasət
Növbədənkənar Parlament seçkiləri GÜNDƏMƏ GƏLDİ

Fuad Əliyev: “Zəfər Parlament seçkisində iştirak etmək fikrindəyəm”

 

“Parlament seçkilərinin hətta bir həftə tez keçirilməsi də növbədənkənar seçki adlandırılacaq. Amma məsələyə bu aspektdən yanaşmaq da doğru olmazdı”.

 

Versus.Az xəbər verir ki, bunu Milli Məclis seçkilərinin payızda, yəni noyabr ayında deyil, iyunda keçirilməsi ehtimalı, eyni zamanda budəfəki seçkinin nə ilə fərqlənəcəyi ilə bağlı açıqlamasında prezidentliyə keçmiş namizəd, siyasi ekspert Fuad Əliyev bildirib.

 

Fuad Əliyev qeyd edib ki, noyabrdan əvvəl seçkilərin keçirilməsi vaxtla izah oluna bilər:

 

“Təbii ki, Milli Məclisin buraxılması noyabrda keçiriləcək mötəbər tədbirlə əlaqələndirilə bilər ki, zaman azdır, bir az irəli də çəkməsək, onda qanunvericiliyi pozmuş olarıq. İndi hansı daha yaxşıdır, seçkini 5-6 ay əvvəl keçirmək, yoxsa konstitusiyaya zidd addım atıb gələn ilə saxlamaq? Hər halda, birincidə heç bir konstitusiya pozuntusu olmayacaq”.

 

Siyasi ekspert vurğuladı ki, parlament seçkisi yalnız bir şərtlə gələn il ola bilər ki, parlament noyabrın ilk bazar gününə qədər özünü buraxır, yeni seçki təyin olunur, lakin keçirilməsi 2025-in fevralında baş tutur. Onun sözlərinə görə, burada da yenə problem meydana çıxır:

 

“Bu baxımdan düşünürəm ki, bu ilin iyununda, yaxud avqust-sentyabr arasında seçki keçirilə bilər. Çünki COP29 hələ noyabrda olacaq. Amma Türkiyə nümunəsi də var - eyni gündə, yəni dekabrın 23-də xalq bələdiyyələrə üzvləri də, parlamentə yeni deputatları da seçə bilər”.

 

Fuad Əliyev parlament seçkilərində iştirak etmək niyyətində olduğunu da vurğulayıb:

 

“İlk dəfə azad edilən ərazilərdə həm də deputatlığa seçkilər olacaq. Biz Zəfər parlamentinin seçkilərini keçirməliyik. Düşünürəm ki, fərqli bir Milli Məclis və tərkib görəcəyik. Amma iyunla bağlı qəti fikir bildirmək çətindir, çünki ictimai rəyə bununla bağlı hər hansı informasiyalar ötürülmür".

 

AYSEL
versus.az

Xəbər lenti

InvestAZ

Ən çox oxunan xəbərlər

Azərbaycanın ideya və məqsədləri ilə bağlı mesajlar verən BƏYANNAMƏ

"Azərbaycan növbəti dəfə olduqca təsirli bir addım atmış oldu”

"ŞƏT-in Azərbaycana faydası olduğu qədər Azərbaycanın da ŞƏT-ə qiymətli töhfələri var"

Siyasətdə yeni ZÜMZÜMƏLƏR

“Qarabağ Bəyannaməsi artıq o qüvvələri çıxılmaz vəziyyətə salır”

"Deputatların növbəti görüşü də müsbət dəyərləndirilməlidir"

Ürək bulantısı
XƏSTƏLİKLƏRDİRMİ?

Telejurnalist MTM-nin mətbuat katibi oldu

Bu həftədən seçki sənədlərinin DSK-lara təqdim edilməsinə BAŞLANILIR

Azərbaycanda elektron pullar dövriyyəyə BURAXILACAQ

“WhatsApp” casus PROQRAMIDIR

“Deputatların görüşü vacib görüşlərdən biri kimi səciyələndirilməlidir”

Metroplitendən hər kəsi şok edəcək AÇIQLAMA

Sabah beş rayonda qaz OLMAYACAQ

Ölkə Trendində BİRİNCİ