“Övladlarımızı informasiya təhlükəsindən qoruyaq” - MAARİFLƏNDİRİCİ

21:05 03-04-2024 | 386 | Təhsil

Müasir məktəbdə informasiya təhsil prosesinin əsas komponentlərindən biridir. Cəmiyyətin həyatında informasiyanın, informasiya resurslarının və texnologiyalarının rolunun artması informasiya təhlükəsizliyi məsələlərini ön plana çıxarır. Bu baxımdan şagird və valideynlərin maarifləndirilməsi aktualdır.

Versus.Az xəbər verir ki, aprelin 2-də bu məqsədlə 129 nömrəli tam orta məktəbdə “Övladlarımızı informasiya təhlükəsindən qoruyaq” adlı maarifləndirici tədbir keçirildi.

Məktəbdə keçirilən tədbirin məqsədi uşaqlara və yeniyetmələrə informasiya təhlükəsizliyinin əsaslarını öyrətmək, informasiya mədəniyyəti aşılamaq, internet resuslarından düzgün və səmərəli istifadə etmə vərdişlərini aşılamaq, şagirdlərdə qeyri- müəyyən, əsassız məlumatları müstəqil tanımaq bacarığını inkişaf etdirmək , onları informasiya təhlukəsindən qorumaqdır.

Tədbirdə Bakı Şəhər Baş Polis İdarəsinin əməkdaşı Polis polkovnik leytenantı Kəmalə Ələkbərova, Nizami Rayon İcra Hakimiyyətinin əməkdaşı Könül İsmayılova, Bakı şəhər Təhsil İdarəsinin əməkdaşı Səidə Əhmədova, DİN əməkdaşı polis leytenantı Lumu İsrafilli, Bakı şəhər Polis İdarəsinin əməkdaşı polis kapitanı Asim Babaxanov işrirak edirdi.