Partiyalar arasında əməkdaşlıq müqaviləsi imzalandı
Azərbaycanda səfərdə olan İraq Türkməneli Partiyasının sədri Riyaz Sarıkahya Azərbaycan Liberal Demokrat Partiyasının (ALDP) sədri Fuad Əliyevlə görüşüb.
ALDP Mətbuat Xidmətindən versus.az-a verilən məlumata görə, partiyanın qərargahında baş tutan görüşdə partiyalar arası əməkdaşlıq məsələləri müzakirə olunub. ALDP sədri F.Əliyev bildirib ki, İraqda yaşayan türkmənlər azərbaycanlıların qan qardaşlarıdır:
“Regionda baş verən məlum proseslərin türkmən qardaşlarımızdan yan keçmədiyi və onların başlarına gətirilən müsibətlərdən xəbərimiz olsa da, bu vaxta qədər onlara mənəvi dəstək ola bilməmişik. Türkmənlərlə bağlı məlumatları yalnız beynəlxalq mətbuatdan izləmişik. Ümid edirəm ki, bundan sonra aramızda yaranacaq isti əlaqələr bizim İraq türkmənlərinin həyatı ilə yaxından maraqlanmağımıza stimul verəcək”.
Türkməneli Partiyasının sədri Riyaz Sarıkahya ALDP sədri ilə ilk görüşdən məmnun qaldığını bildirərək, bu əlaqələrin gələcəkdə daha geniş formada davam edəcəyinə əminliyini vurğulayıb:
“Azərbaycana çoxdan gəlmək arzumu nəhayət, bu dəfə reallaşdırdım. Bakı düşündüyümdən də əzəmətli şəhərdir, hətta mən Avropanın ən möhtəşəm şəhərlərindən də üstün tuturam”.
Qeyd edək ki, ALDP ilə Türkməneli Partiyası arasında əməkdaşlıq müqaviləsi imzalanıb. F.Əliyev qonaqlara xatirə hədiyyələri təqdim edib.
ARZU
Versus.Az
Xəbər lenti
Uşaqların siqaret çəkməsi ilə bağlı ciddi XƏBƏRDARLIQ
Satış yerlərinin məhdudlaşdırılmasını və aromatizatorların...