Fuad Əliyev: “Onların müxalifətin görüşlərindən uzaq dayanmalarının səbəbini ən yaxşı həmin partiyaların özləri bilir”

“Müxalifətdən olan bir çox partiya nümayəndələri tez-tez görüşüb müəyyən mövzular ətrafında məsləhətləşmələr aparırlar. Burda yeni bir qurumun yaradılmasından söz gedə bilməz”.

Bunu Versus.Az-a ALDP sədri Fuad Əliyev müxalifətin parçalanması, yeni birliyinin yaranması ilə bağlı sosial müzakirələrə səbəb olan məsələlərə açıqlamasında deyib.

Onun sözlərinə görə, müxalifətin birliyi hər zaman aktual olduğuna görə daim gündəmə gətirilir.

F.Əliyev bildirib ki, müxalifət hansısa bir adda birlik yaratmasa da, 18-ə yaxın partiya birgə görüşlər keçirir. 

Partiya sədri onu da qeyd edib ki, əksər hallarda bu görüşlərdə iştirak edən nümayəndələrin sayı 25-ə çatır. O, eyni zamanda AXC, Müsavat, Real Partiyalarının müxalifətin birgə keçirdiyi görüşlərə qatılmadığını deyib. Müxalifətin bir qisminin bu görüşlərdən uzaq dayanmaları ilə bağlı problemin nə olmasına gəlincə, F.Əliyev, “bunu daha yaxşı həmin partiyaların özləri bilir” – deyib.

“Müxalifətin qeyd etdiyim birgə yığıncaqları iki dəfə olub və hər ikisində də həmin partiyalar dəvət olunublar. Amma  görünüdüyü kimi, partiyalar öz arqumentlərini əsas gətirərərk bizim topantılara qatılmayıbılar.  Amma hesab edirəm ki, bu görüşlərdə iştirakla bağlı hansısa şəxsi problemlərin olmasından söz gedə bilməz”.

Ləman

Versus.Az