“Hakimiyyətə gəlmək üçün deyil, cəmiyyətin demokratikləşməsinə yönəlik mübarizə aparacağıq”

Versus.Az xəbər verir ki, ADP sədri Sərdar Cəlaloğlu və Ümid Partiyasının sədri İqbal Ağazadənin müttəfiqliyi ilə yaranacaq birliyin ətrfında hələlik danışıqlar aparılır.

“Qapımız bütün partiyaların üzünə açıqdır”

Partiya sədrləri öz açıqlamalarında hərəkatın ideyası barədə məlumatlar verməklə bu təşkilatın tamamilə fərqli bir siyasi xətt tutacağını iddia edirlər.

İqbal Ağazadə bildirib ki, yeni yaranacaq hərəkat hakimiyyətə gəlmək üçün deyil, cəmiyyətin demokratikləşməsinə yönəlik mübarizə aparacaq:

“Hələlik yeni yaranacaq hərəkatın adı ilə bağlı konkret fikir bildirmək istəmirik. Bu quruma digər partiyaların da qoşulması ilə bağlı danışıqlar gedir. Qapımız bütün partiyaların üzünə açıqdır. Bura AXH də, Milli Şura da qoşula bilər”.

“Biz elə addımlar atmalıyıq ki...”

Sərdar Cəlaloğlu da bildirib ki, bu hərəkat cəmiyyətin tələb və təklifi ilə meydana gəlir:

“Yaranacaq hərəkatın əsas ideyalarından biri də öz fəaliyyətini əsas etibarilə dövlətin suverenlik və müstəqilliyinin qorunmasına hesablanıb. Hələlik hərəkatın formalaşması ətrafında işlər gedir, ola bilsin ki gələcəkdə daha da inkişaf edəcək. Biz elə addımlar atmalıyıq ki, xarici qüvvələr ölkəmizin daxili işlərinə müdaxilə edə bilməsin”.

LƏMAN
Versus.Az