Hər il zorlanır, hər il hamilə qalır LAÇIN...

11:44 18-05-2019 | icon 805 | Köşə
Hər il zorlanır, hər il hamilə qalır LAÇIN...

SƏSSİZ ÇIĞIRTILAR...

 

ARZU ZEYNALLI

 

Еhe..hе...heyyy..y..y…!!! Хеyri yохdur... Səsimizə səs verəsi halda deyil. Yad nəfəsdən bulanan ürəyinin hayındadır Laçın...

 

Hər il zorlanır, hər il hamilə qalır... Amma doğub qurtarmaq istəmir Laçın. Düşmənlərin hesablamasına görə, hər il may ayında Laçının döğmaq vaxtıdır. Amma hər doğuş vaxtı yaxınlaşanda qəhərdən, hiddətdən, həsrətdən Laçında açılış olur. Ölü doğur Laçın...

Bu cür doğuş erməniləri nə qədər kədərləndirirsə, Laçını bir o qədər rahatlandırır. Axı o, erməni doğub böyütmək, onu qoynunda bəsləmək, ona döşündən su verib, çörəyindən dadızdırmaq istəmir…

 

Laçının axırıncı dəfə doğub bələdiyi, başı üstündə layla oxuduğu övladlarının yaşları indi еlə Laçının işğal yaşındadır. О müdhiş günü indi də xatırlayır Laçın - …Yeni doğulan körpələrinin göbəklərini elə təzəcə kəsib bələmişdi, təzəcə buz kimi suyundan üzünə çiləyib, təmiz havasından üzünə üfüləmişdi, təzəcə məşhur laylasına başlamışdı ki…

 

...Laçın yad, murdar nəfəsdən boğulduğu vaxtlarda da övladlarını bircə dəfə də olsun yaddan çıxarmır. Hər il may ayında başındakı mamır bağlamış qara şalı ilə üzünü örtür, hönkürür, laylaya bənzər ağı deyir, beləcə doğuluşunda şahidi olduğu sonuncu övladlarının yaşını, bəlkə də yasını qeyd edir…

 

Səsinə səs verəcək Xocalıya, Şuşaya, Xankəndinə, Xocəvəndə, Kəlbəcərə, Ağdama, Cəbrayıla, Füzuliyə, Qubadlıya, Zəngilana tərəf boylanmağa da ürəyi gəlmir. Bilir ki, onlar da hər il zorlanır, hər il hamilə qalır və hər il ölü doğurlar...

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Fransanın başqa dövlətlərdə gərginlik yaratmaq SSENARİSİ

Ramazan ayının dördüncü gününün imsak, iftar və namaz vaxtları