General-leytenant Muzrayev həbs olundu

21:37 12-06-2019 | icon 65 | Dünya
General-leytenant Muzrayev həbs olundu

Moskvanın Lefortovo məhkəməsi ötən gün iyunun 11-də Volqoqrad vilayəti üzrə İstintaq idarəsinin keçmiş rəhbəri, ədliyyə general-leytenantı Mixail Muzrayevin barəsində həbs qətimkan tədbiri seçib.

 

Versus.Az xəbər verir ki, məhkəmənin mətbuat katibi Kseniya Pervolasenko Muzrayevin əvvəlcədən bir qrup şəxslə əlbir olaraq terror aktı həyata keçirməkdə ittiham olunduğunu bildirib.

Bundan əvvəl Rusiya İstintaq Komitəsinin rəsmi nümayndəsi Svetlana Petrenko bildirmişdi ki, Muzrayev Volqoqrad qubernatoru Andrey Boçarevə sui-qəsd işi üzrə saxlanılıb. Federal Təhlükəsizlik Xidmətinin bildirdiyinə görə, Muzrayevlə birlikdə volqoqradlı sahibkar Vladimir Zubkov da tutulub.

İstintaqın məlumatına görə 2016-cı il noyabrın 16-da gecə Yevgeni Remezovun lideri olduğu mütəşəkkil cinayətkar qruupun beş üzvü Volqoqradın Traktorzavod rayonundakı fərdi evin ərazisinə daxil olub. Qrup üzvlərindən biri “tez alışan maye” ilə evin divarını yandırmağa cəhd edib. Həmin evdə qubernator Boçarev ailəsi ilə birlikdə yaşayırdı.

Müstəntiqlər aydınlaşdırıblar ki, hələ 2003-cü ildə Remezov şəhərin baş bələdiyyə bazarında 16.5 min kvadratmetr sahəni özünə sərfəli şərtlərlə icarəyə götürüb, daha sonra həmin sahəni fərdi şəxslərə, fermerlərə və kiçik sahibkarlara subicarəyə verib. Qubernator Boçarev isə icarəyə verilmiş həmin sahəni Remezovdan alıb və bələdiyyə mülkiyyətinə qaytarıb.

Bu məsələ barədə məhkəmə çəkişməsini uduzan Remezov başçılıq etdiyi cinayətkar qruplaşmaya qubernatoru öldürmək tapşırığı verib. Özü isə alibi əldə etmək üçün Rusiyanı tərk edib. Remezov qətl təşkil etmək, əmlaka qəsdən zərər vurmaq ittihamı ilə beynəlxalq axtarışa verilib. 2019-cu il mayın sonunda Remezov Moskvada tutulub və Volqoqrada aparılıb. General Muzrayevin onun ifadəsi əsasında tutulduğu təxmin edilir.

General Muzrayevin bu sui-qəsd planında hansı rol oynadığı açıqlanmır. Mixail Muzrayev 1959-cu ildə Volqoqrad vilayətində anadan olub. 1985-ci ildən prokurorluq orqanlarında işə başlayıb. 1988-1992-ci illərdə Volqoqrad vilayəti prokurorluğunun baş müstəntiqi işləyib. Həmin statusda 80-ci illərin sonlarında, Dağlıq Qarabağda erməni separatizmi alovlanmağa başlayanda Xankəndindəki iğtişaşları aradırmaq üçün SSRİ baş prokurorluğunun göndərdiyi isintaq qrupuna rəhbərlik edib.

2007-ci ildə Volqrad vilayəti üzrə İstintaq komitəsinin rəisi təyin olunub və həmin vəzifədə 2018-ci ilə qədər işləyib. 2019-cu ilin yanvarında isə Rusiya İstintaq İdarəsinin rəisi, general Aleksandr Bastrıkinin müşaviri təyin edilmişdi.

 

Versus.Az

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

Qan testi ilə ölüm tarixini öyrənmək mümkün olacaq

15 yaşında Şəhadətə yüksəlmiş Tiqanamız

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

"Asma körpü"nün bərpasi ücün rayon rəhbərliyinə müraciət edirəm

Jurnalistin qardaşının evi yenə qarət edildi

Dövlət komitəsi Məhərrəmlik ayı ilə bağlı müraciət etdi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi

23 avqust - Cəbrayıl və Füzuli rayonlarının işğal olunduğu gündür

Yuxusuzluğun ölümcül təhlükəsi aşkarlanıb