Xarici diplomat AXH-nin ofisinə polis basqısı ilə maraqlanıb

Azərbaycan Xalq Hərəkatının (AXH) İdarə Heyətinin üzvü, Azərbaycan Liberal Demokrat Partiyasının (ALDP) sədri Fuad Əliyev Avropa İttifaqının Azərbaycan Respublikasındakı səfirinin siyasi müşaviri Dr.Auşra Raişite-Daukantiene ilə görüşüb.

Versus.Az xəbər verir ki, ALDP mətbuat xidmətinin yaydığı məlumata görə, görüşdə Azərbaycanda ictimai-siyasi vəziyyət, AXH və ALDP-nin fəaliyyəti ilə bağlı fikir mübadiləsi aparılıb.

Görüşdə xanım müşavir AXH-nin ofisinə polis basqısı ilə maraqlanıb. Fuad Əliyev AXH-nin yartandığı gündən üzvlərinin iqtidar tərəfindən təzyiqlərə məruz qaldığını bildirib. 25 may mitinqinə bir həftə qalmış 100-ə yaxın hərəkat üzvlərinin saxlanılması, onlara təzyiq göstərilməsini qeyd edib. Təyin olunan 20 iyul yürüş-mitinqə bir həftə qalmış polis tərəfindən Hərəkatın yeni ofisinə basqın olduğunu bildirib.

Daha sonra Fuad Əliyev və xanım Müşavir insan haqları, siyasi məhbuslar, müxalif fikirli vətəndaşlara təzyiglərlə bağlı fikir mübadiləsi aparıbalr.

Tərəflər belə görüşlərin davamlı olması razılığına gəliblər.

Versus.Az