Çəkiliş qrupunun səyyar studiyaları bu dəfə sürət qatarında quruldu

Azad Azərbaycan Teleradio Kompanyasının ATV Səhər departamentinin əməkdaşları bir ilkə imza atıblar.

Versus.Az-ın məlumatına görə, çəkiliş qrupunun səyyar studiyaları bu dəfə fərqli məkanda - Azərbaycan Dəmiryolları Qapalı Səhmdar Cəmiyyətinin rəhbərliyi ilə razılışdırılaraq, sürət qatarında qurulub.

Dünya Azərbaycanlılarının Həmrəylik günü və Yeni ilin gəlişi münasibəti ilə həyata keçirilən layihədə ATV Səhərin yaradıcı kollektivi ilə yanaşı dövlət rəsmiləri, tanınmış müğənnilər və rəqs qrupları iştirak ediblər.

Qatarın bələdçiləri də elə verilişdəki rubrikaların aparıcıları olub.

İki saatlıq yayımı təşkil olunan layihə öncədən hazırlanmış ssenari üzrə həyata keçirilib.

Beləki paytaxtımıza təşrif buyuran şaxtababa nəvəsi qarqızı itirir. Və bununçün AtV Səhər komandasından kömək istəyir. Bütün əməkdaşların səfərbər olduğu iki saatlıq axtarışlar sonuncu stansiyada öz bəhrəsini verir.

Maraqlı layihələri ilə geniş izləyici auditoriyası toplamağı bacaran ATV KANALI bu dəfə də buna nail ola bilib.

Versus.Az İnformasiya Agentliyinin komandası da öz növbəsində Azad Azərbaycan Televiziyasının yaradıcı kollektivinə yeni ildə bol-bol uğurlar arzulayır.

LƏMAN
Versus.Az