Lamiyə Rzayeva: “Ölkəmizdə sosial işlə bağlı yanlış yanaşma var”
“İnsanlar SOSİAL İŞ və işçinin nə olduğunu, eləcə də hansı hallarda yadım edə biləcəyini bilmirlər”.
Bunu Versus.Az-a Azərbaycan Sosial İş İctimai Birliyinin icraçı direktoru Lamiyə Rzayeva bildirib:
“Çoxları sosial işçi funksiyasının insanların həyatını necə yaxşılaşdıra biləcəyindən xəbərsizdir. Cəmiyyətimiz hələ də “sosial işçi”-ni əlilliyi olan şəxslərə, evlərdə ahıllara xidmət göstərən insanlara yardım edən şəxs kimi nəzərdə tuturlar. Bu tamamilə yalnış fikirdir. Unutmamalıyıq ki, biz SOSİAL İŞÇİ statusunu almaq üçün ilk öncə bakalavr təhsili almalıyıq”.
L.Rzayeva qeyd edib ki, bu gün universitetlərdə Sosial işlə bağlı təhsil verən ixtisaslar olsa da, burda keyfiyyətli təhsilin verilməməsi əsas problemlərimizdən biridir:
“Bu təhsil qlobal standartlara uyğun olmadığı üçün sosial iş sahəsində təhsil alan gənclər lazımı bilik və bacarıqlara yiyələnə bilmirlər. Bu problem onların işə qəbul olunma prosesində çətinliklər yaradır’’.
Ölkəmizdə sosial işin yeni olduğunu bildirən L.Rzayeva, hələ də insanların sosial işçiliyin öz istəklərindən asılı olduğunu düşünmələrini yanlış hesab edib:
“Sosial xidmət haqqında qanunda da qeyd olunub ki, sosial işçilər minimum sosial iş üzrə bakalavr dərəcəsinə sahib şəxslər olmalıdır. Ümid edirəm ki, zamanla bu problemlər həll olunacaq”.
Təbiət Kamil
Versus.Az
Xəbər lenti
Baş Prokurorluqda Ulu Öndərin 101-ci ildönümü qeyd edilib
"Prezident İlham Əliyev tərəfindən davam etdirilən uğurlu siyasət nəticəsində Azərbaycan qalib dövlətə çevrilib"