“Demək ki, istəyəndə bir ola, eyni nöqtəyə vura bilirik”

17:55 28-09-2020 | icon 211 | Siyasət
“Demək ki, istəyəndə bir ola, eyni nöqtəyə vura bilirik”

Könül İsmayılova: “Prezidentin qələbə təbriki məndə böyük ümid yaradıb”

 

Təcavüzkar Ermənistanın hərbi-siyasi rəhbərliyi Cenevrə Konvensiyası ilə üzərinə düşən öhdəliklərini yerinə yetirməyərək beynəlxalq humanitar hüququn əsas norma və prinsiplərini kobud şəkildə pozaraq dinc əhalini, çoxsaylı ev və mülki obyektləri, təsərrüfat təyinatlı məntəqələri ağır artilleriya qurğularından intensiv atəşə tutmaqda davam edir. Hədəf kimi əhalinin kompakt olduğu məntəqələr - rayon və kənd mərkəzləri, mülki infrastruktur obyektlər - xəstəxanalar, tibb məntəqələri, məktəb binaları, uşaq bağçaları seçilir.

 

Versus.Az-a açıqlamasında Azərbaycanın məsuliyyətli ölkə olduğundan qürurla danışan Müasir Müsavat Partiyasının sədr müavini Könül İsmayılova bildirib ki, düşməndən fərqli olaraq, bizim Milli ordumuz qarşı tərəfin mülki əhalisini atəşə tutmur.

 

Partiyanın sədr müavini vurğulayıb ki, Azərbaycan Prezidentinin sözügedən mövqeyi vəziyyətdən asılı olmayaraq hər zaman qorunulur:

 

“27 sentyabr tarixində baş vermiş hadisələr bunun sübutudur. Milli ordumuz mülki əhalini atəşə tutmur. Eyni zamanda, hədəf kimi əhalinin kompakt olduğu məntəqələri seçmir. Çünki biz düşmən təxribatına qarşı əks hücum etmişik, kiminsə torpağını ələ keçirmək məqsədimiz yoxdur. Bütün dünya da görür ki, Azərbaycan yalnız öz torpaqlarını qoruyur, əhalisini mühafizə edir. Məlumdur ki, 27 sentyabr hadisələri Ermənistanın yeni işğal siyasətinin təzahürüdür. Bu yeni siyasət danışıqlar prosesinin pozulması, status-kvonun təsdiqi, yeni təxribatların yaradılması və Ermənistanda yaradılmış sosial fəlakətin gizlədilməsinə xidmət edir. Ermənilərin özləri sosial şəbəkələrdə iqtisadi durumlarının, güzəranlarının acınacaqlı vəziyyətdə olması barədə paylaşımlar edirlər. O da sirr deyil ki, Ermənistanın işğal etdiyi torpaqlarımızda məcburi məskunlaşdırdığı sadə ermənilər hər an qorxu içərisində yaşayırlar. Çünki bilirlər ki, Azərbaycana məxsus olan torpaqlar gec-tez tərəfimizdən geri alınacaq”.

 

Ölkə başçısı İlham Əliyev çıxışlarında bəyan edir ki, Azərbaycan haqq yolundadır. Ermənistan işğalçıdır, Azərbaycan isə tarixi ədalətin bərpası uğrunda mübarizə aparır:

 

“Prezidentimizin QARABAĞ AZƏRBAYCANDIR şüarı bu gün demək olar ki, bir çox ölkələrdə əzbərə çevrilib. Artıq bütün dünya bilir ki, Qarabağ Azərbaycandır. Bu fakt həqiqətdir və bu həqiqət uğrunda mübarizə aparmışıq, bu gün də aparırıq”.

 

K.İsmayılova onu da vurğuladı ki, bu gün sevindirici hallardan biri də ölkəmizin siyasi partiyalarının yekdilliklə Prezidentin yanında olduqlarını bəyan etmələridir:

 

“Siyasi partiyalarımızın Ali Baş Komandan, Prezident İlham Əliyevin yanında olduqlarına dair bəyanatları milli və siyasi həmrəyliyin parlaq göstəricisidir. Bu bəyanat eyni zamanda ölkədə siyasi dialoqun mövcudluğunun sübutudur. Birgə bəyanat ölkəmizdə siyasi müstəvidə etibarlı və peşəkar münasibətlərin qurulmasına zəmin yaradır. Demək ki, biz istəyəndə bir ola, eyni nöqtəyə vura bilirik. Həqiqətən də, haqq uğrunda aparılan müharibədə xalq iqtidar və müxalifət cəbhələrinə bölünməz, bunu etmək istəyən qüvvələr isə düşmənin yanında duranlardır”.

 

K.İsmayılova cəbhədən bir-birinin ardınca gələn qələbə xəbərlərini göz yaşları ilə dinlədiyini də vurğulayıb. O, Azərbaycanın Vətən müharibəsinin qələbə ilə nəticələnəcəyinə Prezident İlham Əliyevin xalqı təbrikindən sonra daha çox əmin olduğunu bildirib:

 

“Ordumuzun uğurlu əks-hücum əməliyyatı münasibətilə Azərbaycan xalqını təbrik edən Prezidentimiz cənab İlham Əliyev deyib: “Mən əminəm ki, bizim uğurlu əks-hücum əməliyyatımız işğala son qoyacaqdır! Ədalətsizliyə son qoyacaqdır!” Mən də buna inanıram”.

 

PƏRİ
Versus.Az

Xəbər lenti

Türkiyə Prezidenti Avropanın sonunun yaxınlaşdığını bildirdi

“Müsəlmanlara qarşı cəbhə açan Avropa öz sonuna doğru hazırlıq görməyə başladı”

Türkiyə-Fransa arasında diplomatik qalmaqal başlayıb

Hərbi-hava qüvvələrimiz Ermənistanın tankları, sığınacaqları və dayaq məntəqələri məhv edib

Azərbaycan snayperi 19 düşmən hərbçisini məhv etdi - VİDEO

Ordu irəliləyir, Prezident müjdələr verir, üzümüz gülür...

“Övladınızı başqasının torpağında qan tökməyə, işğal etməyə göndərməyin” - MÜSAHİBƏ

“Ermənistanı təslimçi sülhə məcbur etməliyik...”

Laçın və Qubadlı rayonları Ermənistan ərazisindən raket-artilleriya atəşinə tutulur

"Bu, cənab Prezident tərəfindən verilən açıq mesaj idi"

“Onurğa sütununun əyilməsi nəticəsində daxili orqanların fəaliyyəti də pisləşir”

Eldar Həsənovun həbs qətimkan müddəti uzadılıb

“Təmas xəttini keçmək asan deyildi, lakin biz bunu etdik”

Ermənistan ərazisindən Qubadlı rayonu atəşə tutulur

Kəlbəcər rayonunun yeraltı və yerüstü təbii sərvətləri yenidən öyrəniləcək

“Düşmən hücumu nəticəsində yaralanan azyaşlı həlak oldu”

Düşmən Naftalan - Tərtər rayonlarını atəşə tutur

İrəli
InvestAZ

Ən çox oxunan xəbərlər

“Gələn Müstəqillik Gününü zəfər alqışları ilə qeyd edəcəyik” - VİDEO

“Azərbaycanın işğaldan azad edilmiş yaşayış məntəqələrinin sayı 78-ə çatıb”

Düşmən Tərtərdə pambıq emalı zavoduna raket zərbələri endirdi - FOTO/VİDEO

Xalqın günahı...

Xudafərin körpüsünün üzərində Azərbaycan bayrağı - VİDEO

Mehriban Əliyeva paylaşım etdi

Azərbaycan adından vəsait toplayırlar - XƏBƏRDARLIQ

İşğaldan azad edilən Zəngilanda Azərbaycan bayrağı qaldırıldı - VİDEO

“Zəngilan azad edildi”

Düşmənin Qubadlı istiqamətindəki bölmələri məhv edilib - VİDEO

“İnşallah böyük qələbəmizin sevincini yaşayaq”

Dövlət qulluğunda inzibati rəhbər vəzifələr üzrə müsabiqəyə qeydiyyat başa çatır

Direktor olmaq istəyən namizədlərin NƏZƏRİNƏ

"Qarabağın məşhur müəllimləri" layihəsinə başlanılır

Azərbaycan “İti qovan” istehsalına başladı - FOTO