"Boş-boş bəyanatlar verəcəksinizsə, bir zəhmət susun"
23:46 01-10-2020
|
567 |
Siyasət
Ehtiram Mehdiyev: ""Geri çəkilin, danışıqlara gedin" deyən dövlətlər, torpaqlarınızdan bizə pay verin"
"Azərbaycan tarix yazır. Bu tarixi başda Ali Baş Komandan olmaqla hər bir azərbaycanlı yazır".
Versus.Az xəbər verir ki, bunu özünün "facebook" hesabında deputat köməkçisi, Milli Cəbhə Partiyasının sədr müavini Ehtiram Mehdiyev paylaşıb.
Həmin paylaşımı olduğu kimi təqdim edirik:
"Bəli, biz öz məsələmizi özümüz həll etməli olduq. Çox gözləmişdik. İllərdir aparılan nəticəsiz danışıqlar, "sülh göyərçinləri" zərrə qədər də olsun hadisələri xeyrimizə dəyişmədi. Əksinə, bu münaqişə minlərlə can aldı. Bir milyondan artıq vətəndaşımız öz doğma yurd-yuvalarından didərgin salındı. Onların həm mülkiyyəti, həm təhlükəsizliyi, həm azadlığı 30 ilə yaxındır ki, Ermənistan tərəfindən pozulur.
Cənab Prezident son çıxışında öz qətiyyətli mövqeyini bir daha ortaya qoydu. Artıq geriyə yol yoxdur. Təpədən dırnağa kimi hər şeyə hazırıq. Biz tarixi ədaləti bərpa etmək üçün vuruşuruq. Bizim davamız haqq davasıdır. Biz işğal altında qalan torpaqlarımızda antiterror əməliyyatı keçiririk. Üçüncü dövlətlərin, beynəlxalq təşkilatların təhdidləri bizi qorxuda bilməz. Bizə "geri çəkilin, danışıqlara gedin" deyən dövlətlər, torpaqlarınızdan bizə pay verin. Qoy bir milyon qaçqınımızı verdiyiniz o pay torpaqlara köçürək. Və o zaman geri çəkilərik, danışıqlara gedərik. Yox əgər boş-boş bəyanatlar verəcəksinizsə, bir zəhmət susun. Qoyun öz davamızı özümüz həll edək.
Biz öz torpağımızda vuruşuruq.
Münaqişənin həlli yalnız beynəlxalq hüququn norma və prinsipləri və Helsinki Yekun Aktında əks edilmiş Azərbaycan Respublikasının beynəlxalq tanınmış sərhədləri çərçivəsində suverenliyi və ərazi bütövlüyünə tam hörmət əsasında mümkündür.
Ordumuz daha güclüdür, dövlətimiz daha güclüdür. Biz artıq əvvəlki Azərbaycan deyilik, çox fərqliyik və bunu hər kəs hiss etməlidir, görməlidir.
Qələbə bizimdir. Allah ordumuzu müzəffər etsin!"
Xəbər lenti
Sağlamlıq haqqında arayış elektron şəkildə VERİLƏCƏK
"Arayışlar sığorta çərçivəsində qarşılanmır"