Hər həftə dünyada koronavirusa yoluxanların sayı 2 milyon artır
325 |
Sağlamlıq
Dünyada hər həftə təxminən 2 milyon yeni koronavirus infeksiyası hadisəsi qeydə alınır.
TASS-ın məlumatına görə, bu barədə Ümumdünya Səhiyyə Təşkilatının (ÜST) Baş direktoru Tedros Adan Qebreyesus Cenevrədə keçirdiyi brifinqdə bildirib:
"Hər həftə təxminən iki milyon yoluxma baş verir. Bildiyiniz kimi, bu həftə dünya bir milyon ölümün faciəvi mərhələsini keçdi".
Tedros Adan Qebreyesus əlavə edib ki, bu, COVID-19-un yayılmasına cavab vermək üçün kritik bir andır.
ÜST rəhbərinin sözlərinə görə, pandemiyanı aradan qaldırmaq üçün "ən qısa yol" ölkələrin birgə fəaliyyətidir:
“Bu istiqamətdə 168 dövlət artıq birgə mübarizə aparır. Daha 25 ölkə ilə qüvvələrimizi genişləndirəcəyik. Bu, bütün insanlıq naminə pandemiyanı məğlub etmək üçün vacib həmrəylik siqnalıdır”.
Xəbər lenti
“İran-İsrail toqquşması bizim region üçün arzuolunmazdır”
"Hələ ki, bölgə üçün təhlükə yaradacaq belə problem yaşanmır"
