Partiya sədri koronavirusa yoluxmasından danışdı
Fuad Əliyev: "Düşünürdüm ki, adi xəstəlikdir, keçəcək, amma yoluxubmuşam"
Xəbər verdiyimiz kimi, Azərbaycan Liberal Demokrat Partiyasının (ALDP) sədri Fuad Əliyev COVİD-19 virusuna yoluxub.
Versus.Az xəbər verir ki, partiya sədri artıq özünü yaxşı hiss edir.
Koronavirusa necə yoluxması ilə bağlı mətbuata açıqlama verən Fuad Əliyev bildirib ki, əslində harada yoluxduğunu dəqiq bilmir:
"İki-üç gün əzələ və sümüklərimdə bərk ağrılar olmuşdu. Havanın dəyişməsinə həssas deyiləm, amma bu ağrılar olanda fikirləşdim ki, bəlkə havanın dəyişməsinə görədir. Sonra bu ağrılarla paralel temperaturum yüksəldi, iştahasızlıq, bədən zəifliyi, halsızlıq yarandı. Özümü ev şəraitində müalicə etməyə başladım. Ailə həkimi ilə tez-tez əlaqə saxlayıb məsləhətlərini alırdım. Düşünürdüm ki, adi bir xəstəlik kimi keçəcək. Amma əlamətlər davam etdiyi üçün artıq yoluxduğumu hiss edirdim. Çox halsız idim. Yüksək temperatur, 38.8, heç düşmürdü. Ağ ciyərləri KT etdirəndən sonra artıq aydın oldu ki, virusa yoluxmuşam. Xəstəxanalarda yer olmadığına görə, özümütədric etməyə qərar verdim. Ailə həkimin nəzarəti altında 12 gün intensiv müəlicə aldım".
ALDP sədri koronavirusa hələ də inanmayanlara tövsiyə də etdi. Bildirdi ki, bu virus çox ciddidir:
"Heç kimə arzulamaram. Son günlər yoluxanların sayı kəskin çoxalıb. Sosial şəbəkələrdə virusa yoluxanlar haqqında statuslar çoxalıb. Tanıdığım nə qədər adam var ki, hazırda xəstəxanalarda virusla mübarizə aparır. İnanmayanlara isə bir söz deyə bilərəm: İnanmamaq sizin şəxsi işinizdi, amma tətbiq olunan qaydalara əməl etmək lazımdır".
Fyad Əliyev bu çətin dövrdə ona dəstək olanlara təşəkkürünü ifadə edib:
"Partiya sədrləri, media nümayəndələri məni yada salırdılar. Prezident Administrasiyandan demək olar ki, hər gün səhəttimlə maraqlanırdılar, bu məsələdə məni tək qoymadılar. Mənəvi dəstəyə görə, hər kəsə təşəkkür edirəm, tək-tək hər birinin adını çəkə bilmirəm".
PƏRİ
Versus.Az
Xəbər lenti
Sağlamlıq haqqında arayış elektron şəkildə VERİLƏCƏK
"Arayışlar sığorta çərçivəsində qarşılanmır"