“Bomj”, işgəncə, çarəsizlik...

18:25 03-05-2023 | icon 3585 | Köşə
“Bomj”, işgəncə, çarəsizlik...

...Və mənəvi intihar

 

ARZU ZEYNALLI

 

Dünya praktikasında “bomj”lar üçün nəzərdə tutulan sığınacaqlar, qidalanma məkanları mövcuddur. Amma nədənsə bütün praktikalardan yararlanan Azərbaycanımızda bundan yan keçilir. Oliqarxlarımız var, amma nə yazıq ki, xeyriyyəçilikləri yoxdur.

 

“Bomj”lara niyə həmişə sadəcə kənardan baxıb keçmişik, bilmirəm. Nədən çəkinmişik? Bəlkə çəkinməmişik, əksinə, dünyalarına müdaxilə etmək istəməmişik. Axı “tərkidünya” adlandıranlar da olub onları. TƏRKİDÜNYA-BOMJ...

 

Bakının əsasən Milli Elmlər Akademiyasının bağında məskunlaşmış görünən Məhəbbət yadınızdadır? Üst-başını demirəm, ayaqlarına sellofan geyinərdi. “Azərnəşriyat”dan kənara getməyən İlyas Ərnəfəsi necə, xatırlayırsınız? Heç birini təsvir etmiyəcəm, çünki xatırlayanların gözlərində canlanacaq surətləri, baxışları, davranışları...

 

Vaxtilə kim olublar, sonra niyə o vəziyyətə düşüblər, bundan da bəhs etmiyəcəm, çünki zamanında qəzetlərdə kifayət qədər yazılıb o barədə. Mən özüm Ərnəfəslə də, Məhəbbətlə də həmsöhbət olub, söhbətimizi qələmə almışam... O müsahibələr kimə nə verdi, bunu da bilmirəm. Sadəcə, mən qonorar aldım... başqa heç nə... Amma onların söhbətini həmişə xatırlayıram. Heç kimdən, heç nədən ehtiyat etmədən fikirlərini bildirirdilər. “Belə desəm yaxşı çıxmaz”, “bunu desəm həbs edərlər”, “ondan danışsam iqtidar deyərlər”, “bundan danışsam müxalifət deyərlər” və sair bu kimi tərəddüdləri yox idi. Deyə bilərik ki, məlum vəziyyətlərindən dolayı itirmək qorxuları olmayıb. Əgər “hər bir İNSANda (fərqi yoxdur nəyisə, kimisə) itirmək qorxusu deyilən bir hiss var” deyiriksə, Məhəbbətlə Ərnəfəs İNSAN deyildimi? Və onu da bilirəm ki, nə demək istədiyimi anladınız...

 

İndi Məhəbbət, Ərnəfəs kimi “bomj”lar qalmayıb. Yox, ev, güzəran problemləri həll olmadı, dünyalarını dəyişdikləri üçün qalmayıb. Sosial şəbəkələrdə parklarda, küçələrdə bürünüb yatmış adamların şəkillərinə rast gələndə vaxtilə “Qaçqınkom”un sədri olan Əli Həsənovun kasıb ailə qalmayacağı proqnozu xatırlanır istər-istəməz. Artıq uşaqdan böyüyə necə deyərlər intensivləşmiş intihar hallarını da nəzərə alsaq, hörmətli Əli müəllimin proqnozuna şəkk qalmır. O mənada ki, ölüb bitəcəklər.

 

İNTİHAR!

Valideynlər dediyini eləmir, incidir, intihar et! İmtahandan kəsildin, intihar et! Sevgilin ayrılır, intihar et! Həyat yoldaşın incidir, xəyanət edir, intihar et! İşsizlik stresi yaşayırsan, intihar et! Xəstəlikdən əzab çəkirsən, ağrılara dözə bilmirsən, intihar et! Borc içində batırsan, intihar et! Banklar məhkəməyə verib, intihar et! İntihar et! İntihar qt!! İntihar et!!!


P.S. Əsas odur ki, bu intiharlar və sadalamadığım daha nələrsə mənəvi intihara köklənməsin...

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Ən sürətli qol

Dəri problemlərindən mərciməklə xilas olun

Bu iki ədviyyatı birgə istifadə edin