Mətbuat Şurası bu saytların fəaliyyətinə xitam verə bilərmi?
Mətbuat Şurasına üzv olan Kütləvi İnformasiya Vasitələri hansı halda üzvlükdən çıxarıla bilər?
Versus.Az Metbuat.az-a istinadən xəbər verir ki, “İki Sahil” qəzetinin baş redaktoru, YAP Siyasi Şurasının, Mətbuat Şurası İdarə heyətinin üzvü Vüqar Rəhimzadə açıqlamasında bildirib ki, şuranın fəaliyyəti dövründə belə bir hadisə baş verməyib:
“«Azərbaycan Jurnalistlərinin Peşə Davranışı Qaydaları”nı davamlı şəkildə pozan media qurumları, eyni zamanda Mətbuat Şurasının fəaliyyət prinsiplərinə zidd hərəkət edən KİV nümayəndələri üzvlükdən çıxarılır. Düzdür, fəaliyyətimiz dövründə belə bir hadisə baş verməyib. Çünki nümayəndələri üzvlüyə qəbul edən zaman yüz ölçüb, bir biçirik. Bütün hallarda, jurnalistlər qəbul edilən peşə davranış qaydalarına əməl etsinlər”.
Mətbuat Şurasının İdarə Heyətinin üzvü, əməkdar jurnalist Azər Həsrət isə əlavə edib ki, Mətbuat Şurasının üzvlüyünə xitam verilməsi üçün bir sıra səbəblər var:
“Mətbuat Şurasının konkret qaydaları var. O qaydalar çərçivəsində fəaliyyət göstərməyən Kütləvi İnformasiya Vasitələri Mətbuat Şurasının üzvlüyündən xaric edilə bilər. Bu, birincisi üzvlük haqqıyla bağlıdır. Mətbuat Şurasına bəlli bir məbləğdə üzvlük haqqı ödənilməlidir. Mütəmadi olaraq üzvlük haqqını gecikdirən, onu ödəməyən, yaxud da üzrsüz səbəbdən ödəməkdən imtina edən KİV Mətbuat Şurasının üzvlüyündən xaric edilə bilər. İkincisi, «Azərbaycan Jurnalistlərinin Peşə Davranışı Qaydaları”nı davamlı şəkildə pozan və Mətbuat Şurasını xəbərdarlıqlarına əməl etməyən KİV şuranın üzvlüyündən xaric edilə bilər. Üçüncüsü isə Mətbuat Şurası üzvlüyündən könüllü xaricedilmədir. Yəni, üzv təşkilat ərizə ilə müraciət edib, Mətbuat Şurasında üzvlüyünü dayandıra bilər. Bu cür hallar baş verdikdə Mətbuat Şurasının üzvlüyünə xitam verilir. Əlavə olaraq, Kütləvi İnformasiya Vasitələri ümumiyyətlə fəaliyyətini dayandırarsa, onun da üzvlüyünə xitam verilir. Yəni, faktiki olaraq mövcud olmayan KİV, yaxud da ki jurnalist təşkilatının Mətbuat Şurasının üzvlüyündə qalması mümkün olmadığına görə, üvlükdən xaric edilir. Bundan başqa, Mətbuat Şurasının üzvlüyünə xitam verilməsiylə bağlı ciddi səbəblər yoxdur”.
Xəbər lenti
Tanınmış bəstəkara həsr olunmuş KATALOQ
Bəstəkarın Milli Azərbaycan Tarixi Muzeyində toplanan materialları əsasında...