Deputat Ruaiyaya SƏSLƏNDİ

17:29 16-09-2021 | 979 | Siyasət

Razi Nurullayev: "O yaramaz abidənin götürülməsini tələb edirəm"

"Ermənilər Rusiyanın Samara şəhərində "Artsax müharibəsində həlak olanlara əbədi xatirə" adlı abidə ucaldıblar. Samara yaşayan azərbaycanlıların nümayəndələri, diaspora təşkilatları etiraz ediblər. Elmar Eəsulov deyir ki, göndərdikləri məktuba gələn rəsmi cavab budur ki, şəxsi adam qoyub və dövlətin ona qarışmağa ixtiyarı yoxdur".

Versus.Az xəbər verir ki, bu məlumatı şəxsi "facebook" hesabında deputat, Milli Cəbhə Partiyasının sədri Razi Nurullayev paylaşıb.

Deputat vurğulayıb ki, əgər belədirsə, biz də Bakının mərkəzində Rusiya separatçılarına, Rusiyanın düşmənlərinə heykəl qoyaq, Dağıstanda və Çeçenistanda öldürülən və Rusiyanın ekstremist, terrorçu adlandırdığı adamlara abidə ucaldaq və deyək ki, kiminsə ürəyi yanıb və öz şəxsi pulu ilə edib:

"Rusiyaya səslənirəm ki, bu xoşunuza gələr?! Səfirlik və Diaspora komitəsi bununla bağlı rəsmi və açıq şəkildə Rusiya hakimiyyətinə etirazını bildirməlidir. Mən Milli Məclisin deputatı və Milli Cəbhə Partiyasının rəhbəri kimi kəskin etirazımı bildirir və Rusiya tərəfindən o yaramaz abidənin götürülməsini tələb edirəm".

PƏRİ
Versus.Az