Ermənilər ŞOKDA

“Araik Arutyunyanın həyatı təhlükədədir. Onun bir neçə mühafizəçisinin işdən çıxarılması gizli detalları ortaya qoyur”.

Versus.az xəbər verir ki, bunu erməni politoloq Bella Lalayan bildirib. Fevralın 20-də qondarma rejimin güc strukturları bəyanat yayaraq Araik Arutyunyanın təhlükəsizliyini qorumağa qadir olduqlarını açıqlayıblar.

Bəyanatda deyilir:

“Azərbaycan Respublikası Prokurorluğunun Araik Arutyunyanın məsuliyyətə cəlb edilməsi ilə bağlı verdiyi bəyanatla bağlı ictimai narahatlığı nəzərə alaraq, əmin edirik ki, onun təhlükəsizliyini təmin etməyə qadirik. Araik Arutyunyanın simasında vəzifəli şəxslər eləcə də hər bir vətəndaşın təhlükəsizliyi üçün əlavə tədbirlər görülməkdədir.”

Amma erməni telegram kanalları iddia edir ki, Araik Arutyunyan möhkəm qorxuya düşüb və öz mühafizəçilərinin hamısını dəyişib:

”Araik Arutyunyanın ümumilikdə 7 mühafizəçisi var. Amma bizdə olan məlumata görə indi onu ən yaxın qohumları, konkret olaraq qardaşı Vazgen Arutyunyanın iki oğlu və digər yaxın qohumları qoruyur. Araik Arutyunyan qorxu içərisindədir. Çünki onun mühafizəçilərindən ikisi cəsusluq ittihamı ilə fevralın 18-də həbs edilib. Onların xarici xüsusi xidmət orqanları ilə əməkdaşlıq etdiyi aşkar olunub”. /Alp.az/