ALDP-dən 28 APRELlə bağlı BƏYANAT
"Bu təqvim Azərbaycan tarixində işğal günü kimi qeyd olunsun"
Azərbaycan Liberal Demokrat Partiyasının (ALDP) Rəyasət Heyətinin iclası keçirilib.
Versus.Az xəbər verir ki, bu barədə ALDP Mətbuat Xidmətinin məlumatında bildirilib.
iclasda 28 aprel Azərbaycan tarixində işğal günü kimi qeyd olunması ilə bağlı bəyanat qəbul olunub.
Bəyanatda deyilir:
Sovet Rusiyasının rəhbəri Vladimir Leninin əmri ilə 11-ci Qırmızı Ordu 1920-ci il, aprelin 28-də Bakıya daxil olmuş və Azərbaycan Demokratik Respublikasını devirmişdi. Bəzi tarixçilər Azərbaycanın işğalını yerli kommunistlərin nailiyyəti kimi qələmə verirdilər, hərçənd ki, ordunun döyüşçü heyətinin mütləq əksəriyyəti qeyri-azərbaycanlılardan ibarət idi.
Biz Azərbaycanın bu tarixini öyrənməliyik və müstəqillik uğrunda mübarizə aparanları unutmamalıyıq, onların fəaliyyəti, mübarizliyi xatırlanmalı və ictimaiyyətə açıqlanmalıdır.
ALDP 1920-ci il aprelin 28-i Qırmızı ordunun Azərbaycanı işğal etməsi “İşğal günü” kimi qeyd olunmasını təklif edir.
Xəbər lenti
Türk dünyasının deputatları Xankəndidə
Qonaqlar Xankəndi şəhəri ilə tanış olacaqlar