“Biz çempionuq!”

“Bu komandanın üzvü olduğum üçün qürur duyuram”.

 

Bu sözləri Zaqreb “Dinamo”sunun azərbaycanlı hücumçusu Mahir Emreli Xorvatiya çempionatının XVII turunun “Riyeka” ilə oyunundan sonra “Instagram” səhifəsində yazıb.

Sözügedən oyunda iki qol vuran hücumçu bunun üçün komanda yoldaşlarına borclu olduğunu deyib:

 

“Bütün komanda yoldaşlarıma təşəkkür edirəm. Biz çempionuq!”

 

Qeyd edək ki, “Riyeka” – “Dinamo” matçı zaqreblilərin 7:2 hesablı darmadağını ilə yekunlaşıb. Mahir Emreli qələbəyə son iki qolu vurmaqla töhfə verib.