"Bu evliliklərə qadağa insanların fundamental hüquqlarını pozur"

12:11 24-06-2024 | icon 213 | Cəmiyyət
"Bu evliliklərə qadağa insanların fundamental hüquqlarını pozur"

Əhməd Rəhmanov: "Bu məsələ elmdə tam araşdırılmayıb"

 

Azərbaycanda əmi, dayı və xala uşaqlarının nikahı qadağan olunub. Bu, Milli Məclisin Ailə, qadın və uşaq məsələləri komitəsinin iclasında müzakirəyə çıxarılan Ailə Məcəlləsinə təklif edilən dəyişiklikdə öz əksini tapıb.

 

Versus.Az xəbər verir ki, məsələyə münasibət bildirən Müstəqil Hənkarlar Birliyinin həmtəsisçi, sosioloq Əhməd Rəhmanov deyib ki, hüquqi tərəfdən yanaşılsa, əslində bu evliliklərə qadağa qoymaqla insanların fundamental hüquqları pozulur.

 

İnsanların seçim hüququnun olduğunu qeyd edən Ə.Rəhmanov bildirib ki, bu məsələ elmdə tam araşdırılmayıb:

 

"Buna görə də kortəbii şəkildə qadağa qoyulması düzgün deyil. Biz öz ətrafımızda baxsaq, qohum evliliklərinə rast gələrik. Hazırda mənim ətrafımda olan belə ailələrin övladları tam sağlamdır. Amma qohum olmayan şəxslər də var ki, onların uşaqları xəstə doğulur. Burada insanlar arasında qohumluq yox, genetik uyğunsuzluq anlayışı var”.

 

Əhməd Rəhmanovun fikrincə, bu qadağa düzgün deyil:

 

“Genetik uyğunsuzluq isə bu cür həll oluna bilər ki, ailə qurmaq istəyən cütlüklər müayinədən keçsinlər, genetik uyğunluqlarını sübut etsinlər. Bu məsələyə elmi tərəfdən yanaşmaq lazımdır. Biz cəmiyyət kimi ailə institutunu qorumaq istəyiriksə, insanların sosial rifahını qaldırmalıyıq. Sosial rifah yaxşı olarsa, ailələrdə bu kimi problemlər aradan qalxacaq".

 

AYSEL
versus.az

Xəbər lenti

InvestAZ

Ən çox oxunan xəbərlər

18 tələbənin dönərdən zəhərlənməsi ARAŞDIRILIR

COP29-da Bakının adını daşıyacaq 8 BƏYANNAMƏ OLACAQ

Bağırsaq xərçəngi riskini artıran XƏSTƏLİKLƏR

Komitəyə erkən və qohumlararası nikaha nəzarətlə bağlı əlavə SƏLAHİYYƏTLƏR VERİLİB

Ermənistan hansı sülh müqaviləsinə həvəslənir?

Su tarifləri diferensiallaşdırılır

Laçınla bağlı proqram HAZIRLANACAQ

Bələdiyyələrlə bağlı QƏRAR

Paytaxtın mərkəzində TƏHLÜKƏ

Bakının içməli su təminatında YENİLİK

Son 19 ilin ən güclü maqnit qasırğası BAŞLADI

“3-cü müharibə üçün mümkün ola biləcək səbəblər var”

Bu ərazilərdə maşın saxlamaq QADAĞAN EDİLDİ

Direktorluqdan imtina etdi

Dünya ulduzu Akon Bakıda