Depressiyanın 6 fərqli NÖVÜ

09:16 10-07-2024 | icon 731 | Sağlamlıq
Depressiyanın 6 fərqli NÖVÜ

“The İndependent” nəşri yazır ki, alimlər bununla bağlı araşdırma aparıblar. Nəticələr daha effektiv müalicə üsullarının inkişafına ümid yaradır.

 

Tədqiqatın nəticəsi hər bir insan üçün daha təsirli müalicələrin tətbiq oluna biləcəyini ortaya qoyur. Dünyada təxminən 280 milyon insanın əziyyət çəkdiyi depressiya adətən psixoterapiya, dərman müalicəsi və ya beynin elektrik stimulyasiyası ilə müalicə olunur. Bir çox xəstənin müalicə üsulunu sınadıqdan sonra simptomlarında yaxşılaşma görmədiyini nəzərə alan tədqiqatçılar, fərdi müalicələr hazırlamaq üçün təxminən min adamla bir araşdırma aparıblar. 

 

“Nature Medicine” elmi jurnalında dərc olunan məqalədə əldə edilən nəticələri izah edən alimlər, 137 sağlam insanın, eləcə də əvvəllər depressiya və ya narahatlıq pozğunluğu diaqnozu qoyulmuş 801 insanın beyinlərini MRT (maqnit rezonans tomoqrafiya) ilə araşdırıblar. Tədqiqat çərçivəsində, iştirakçılar yatarkən beynin depressiya ilə əlaqəli olduğu bilinən bölgələri izlənilib və müxtəlif testlər edilib. Alimlər beynin müəyyən yollarının fəaliyyətinə əsaslanaraq 6 fərqli depressiya və ya narahatlıq növü müəyyənləşdiriblər. Sonra 250 nəfər təsadüfi olaraq üç antidepresantdan biri və ya danışıq terapiyası ilə müalicə almaq üçün təyin olunub. Terapiya beynin depressiya və problem həlli ilə əlaqəli hissələrində daha çox fəaliyyət göstərən insanlarda daha yaxşı işləyib. Araşdırmanın baş müəllifi professor Lİn Vilyams bildirib ki, bu, depressiyanın altında yatan beyin biologiyasının tam araşdırılmaması anlamına gələ bilər:

“Tədqiqatın nəticələri müxtəlif növ depressiya və ya narahatlıqdan əziyyət çəkən insanlar üçün daha təsirli müalicələrə yol aça bilər”.

 

Araşdırmanın həmmüəllifi professor Jun Ma izah edir ki, beynin funksiyaları haqqında biliklərə sahib olmaq, fərdlər üçün daha aydın müalicə və reseptlər hazırlamağa imkan verəcək.

 

Araşdırmada iştirak etməyən psixoterapevt Conatan Alpert bildirib ki, tədqiqat yaxşı aparılsa da, ilkin araşdırma kimi qəbul edilməlidir:

“Tədqiqatda yalnız bir psixoterapiya metodundan və yalnız üç antidepresantdan istifadə olunmasını problem yaradır. Alimlər iştirakçılara təsadüfi deyil, onların depressiya tiplərinə uyğun davranmalı və nəticələri uzun müddət izləməlidirlər”.

Xəbər lenti

InvestAZ

Ən çox oxunan xəbərlər

Şah İsmayıl Xətainin 516 yaşlı fərmanının təqdimatı

Büdcədə sosial xərclər ARTIRILIR

Mədəniyyətimizin görkəmli nümayəndələrinin şəxsi əşyaları - TƏQDİMAT

Şərab zavodunda YANĞIN

Universitetlərdə bu fənlər LƏĞV OLUNMALIDIR

"YouTube"da YENİLİKLƏR

Taksi və avtobuslara yeni fərqlənmə nişanları verilib

Polis Akademiyasında yeni tədris korpusları İNŞA EDİLİB

İsveçrəyə ÇAĞIRIŞ

Bəzi ölkələrdən heyvan məhsullarının gətirilməsinə məhdudiyyət

“COP 29 ərəfəsində hərbi təxribatın törədiləcəyi istisna edilmir”

Hindistan Ermənistanı silahlandırmağa davam edir

Xudafərinin azad olunmasından dörd il keçir
 

Gəncədə binada güclü PARTLAYIŞ

Dövlət komitəsi ilə bağlı QƏRAR