"Komutan" Azərbaycana gəlir

11:33 10-10-2022 | icon 644 | Film
"Komutan" Azərbaycana gəlir

Bakı Yunus Əmrə İnstitutunun dəstəyi ilə 12 oktyabr 2022-ci il saat 19.00-da Gənclik Mall CinemaPlus-da “Komandir” filminin qala gecəsi təşkil olunacaq. Mert Kılıç və Aslıhan Günərin qatılacağı Qala Gecəsində mətbuat konfransı keçiriləcək, daha sonra film nümayiş olunacaq.

 

Versus.Az xəbər verir ki, Kılıç Yapım istehsalı olan “Komandir” filminin rejissorları Selahettin Sancaklı və Mert Kılıçdı. Mert Kılıç eyni zamnda bu ekran əsərinin ssenaristi və baş rol ifaçısıdı. Məşhur aktrisa Aslıhan Güner Kılıçın da oynadığı dram, hərbi, müharibə və döyüş janrındakı türk filmi 13 oktyabr 2022-ci ildə ekranlara gələcək.

 

Türkiyə Silahlı Qüvvələrinin sərhədyanı əməliyyatlarından biri olan və terror təşkilatının Suriyanın şimalında dəhliz yaratmasının qarşısını almaq üçün başladılan Fırat Qalxanı əməliyyatında baş verən real hadisələr əsasında yazılan “Komandir” filmi döyüş, dram və triller janrındadır. Suriyanın Əl-Bab bölgəsində baş verən hadisəyə Türkiyə Xüsusi Təyinatlı Qüvvələrinə məxsus 4 nəfərlik xüsusi təyinatlı dəstənin müdaxiləsindən və orada şəhid olan dostlarının cənazələrini Türkiyəyə gətirmək üçün aparılan mübarizədən bəhs edən film reallığa uyğunluğu baxımından hər cür risk və təhlükələri gözə alaraq çəkilmişdir.

 

Film Toros dağlarının enişli-yoxuşlu, dik və dağlıq – meşəlik sahələrində və Türkiyə Silahlı Qüvvələrinin Diyarbəkir 7-ci Korpusunun kazarmasının Jandarma Baş Komandanlığına bağlı ərazilərində çəkilib.

 

Mert Kılıç, həyat yoldaşı Aslıhan Günər, Can Kızıltuğ və Emre Bulutun rol aldığı filmin rejissorluğu Selahattin Sancaklı və Mert Kılıça məxsusdur.

 

Komandir filmi Türkiyədə indiyə qədər çəkilmiş ən çətin, təhlükəli və mübarizə dolu filmlərdəndir. Mert Kılıç ən təhlükəli kadrlarda belə dublyorlardan istifadə etməyib və hər bir səhnədə şəxsən özü iştirak edib. Filmin döyüş səhnələrinin çəkilişi üçün dəvət olunan, Hollivud filmlərində də iştirak etmiş, işində peşəkar olan Qazaxıstanlı rejissor döyüş səhnələrinin reallığa yaxın olması üçün əlindən gələni etmişdir.

 

Öz sahəsində ən yaxşı filmlərdən biri kimi nümayiş etdirilən “Komandir” filminə Daxili İşlər Nazirliyi yanında Jandarma Baş Komandanlığı da böyük dəstək verib. Filmdə Jandarma Baş Komandanlığının inventarında olan və terrorla mübarizədə geniş istifadə edilən Black Hawk (Qara Şahin) helikopterləri, Türkiyənin yerli və milli istehsalı olan Atak hücum helikopterləri və zirehli hərbi maşınlardan geniş şəkildə istifadə olunub.

 

Baş rolda oynayan və filmdəki Mayor Tuna Alkan obrazına həyat verən döyüş filmlərinin ən uğurlu və mübahisəsiz ən yaxşı aktyoru Mert Kılıç da həyat yoldaşı peşəkar aktrisa Aslıhan Günərlə eyni səhnələrdə rol alıb. Filmdə suriyalı türkmən qadın obrazını canlandıran Aslıhan Günər, həmçinin öz səsi ilə mərsiyə də oxuyub.

 

 

Versus.Az

Xəbər lenti

InvestAZ

Ən çox oxunan xəbərlər

“Əgər bu bizim milli maraqlarımıza təsir edəcəksə…”

Brilliantdan yeni layihənin ANONSU

Dördüncü "Yüksəliş" müsabiəsinin FİNALÇILARI

COP29 viza müraciət sistemi AKTİVLƏŞDİRİLİB

İki universitetə yataqxana TİKİLƏCƏK

Rusiyada təyyarə QƏZASI

“Bu, üçtərəfli görüşün anlamını bir daha dünyaya bəyan etdi”

Xalq artisti “İnklüziv ayı” layihəsinin bağlanış mərasimində

İtmiş dünya

“İrəvan” futbol komandası bütün yarışlardan KƏNARLAŞDIRILIB

Sarı və narıncı XƏBƏRDARLIĞI

Elxan Şahinoğlu imzatoplama kampaniyasına BAŞLAYIB

İctimai nəqliyyatda tələbələr üçün GÜZƏŞT

Tovuz döyüşlərindən 4 il ÖTÜR

Ermənilərin mənimsədiyi “Qarabağ” Yutubdan SİLİNDİ