Fazil Mustafa: “Gürcüstandakı seçkilərin regionda xüsusi dəyişiklik yaradacağı ehtimalı böyük deyil”

“Regiona bunun xüsusi bir təsiri olacağını düşünmürəm. Çünkü Gürcüstanda seçkilər təbii ki, parlamentlərində kimin daha çox üstünlük qazanmasını təmin edəcəkdir. Amma indiki şərtlərdə bunun regionda xüsusi bir dəyişiklik yaradacağı ehtimalı böyük deyil”.

Versus.Az xəbər verir ki, bunu Milli Məclisin deputatı Fazil Mustafa Gürcüstanda keçiriləcək seçkilərin nəticələrinin regiona təsirləri ilə bağlı açıqamasında bildirib.

Deputat hesab edir ki, Gürcüstanın regionun siyasətinə təsir eləmək imkanları əvvəlki qədər geniş deyil:

“Çünki Gürcüstan hələ də Rusiya ilə müharibə vəziyyətindədir, torpaqlarının bir qisminə Rusiya nəzarət edir. Ona görə də bu məsələlərdə bir Qərb inteqrasiyası, yaxud da arientasiyasının dəqiqləşməsi müəyyən dərəcədə Rusiya ilə münasibətləri kəskinləşdirə bilər. Bu da elə həmin Avropa İttifaqının bölgəyə gəlməsi deməkdir, Gürcüstanı öz hüdudları üçün alması deməkdir. Yəni bu çox uzanan bir prosesdir. Ona görə də burda hər halda Rusiyanın daha kəskin bir siyasəti izləməsinə gətirib çıxara bilər. Bu məsələlər ətrafında hər halda ehtimal daha çox böyüyür”.

LƏMAN