MMP-dən Prezident seçkisi ilə bağlı BƏYANAT

11:00 08-02-2024 | icon 464 | Siyasət
MMP-dən Prezident seçkisi ilə bağlı BƏYANAT

Müasir Müsavat Partiyası növbədənkənar Prezident seçkiləri ilə bağlı Bəyanat yayıb.

 

Versus.Az xəbər verir ki, bu barədə partiyanın Mətbuat Xidmətinin məlumatında bildirilib.

 

Bəyanatda deyilir:

 

“7 fevral - Azərbaycan Respublikası Prezidenti seçkilərində Yeni Azərbaycan Partiyasının namizədi, Azərbaycan xalqının Ali Baş Komandanı, Qarabağ fatehi İlham Əliyevin namizədliyini müdafiə etmək, xalqın İlham Əliyevə verdiyi səsləri qorumaq məqsədilə Müasir Müsavat Partiyası çoxsaylı üzvlərini seçki məntəqələri və dairələri, həmçinin bütün ölkə ərazisində müşahidəçi kimi qeydiyyatdan keçirmişdir. Səsvermə günü onların hər biri ilə müntəzəm əlaqə saxlanılmış, partiyanın müxtəlif rayon təşkilatlarında yaradılan qərargahlarda seçki müşahidəçilərinin saatbasaat verdiyi məlumatlar təhlil edilmişdir.

 

Seçki öncəsi və səsvermə günü rayon təşkilatlarımızın verdiyi məlumatlara əsasən bəyan edirik ki, Prezident seçkiləri ilə əlaqədar bütün hazırlıq işləri yüksək keyfiyyətlə və effektiv şəkildə həyata keçirilmiş, bütün fundamental hüquq və azadlıqlar, o cümlədən sərbəst toplaşma və söz azadlığı təmin edilmiş, namizədlərə öz seçki kampaniyalarını azad və sərbəst şəkildə təşkil etmələri üçün lazımi şərait yaradılmışdır.

 

Seçki öncəsi və seçki günü Azərbaycan tərəfindən nümunəvi şəffaflıq və açıqlıq nümayiş etdirilmiş, seçkiləri yüz minə yaxın müşahidəçi canlı izləmiş, siyasi partiyalar, QHT-lər, namizədlər, müstəqil şəxslər müşahidəçi kimi seçki prosesində uğurla iştirak etmişdir.  1000 seçki məntəqəsində quraşdırılmış kameralar vasitəsilə onlayn müşahidə üçün şərait yaradılmış və bu şəraitin nəticəsində Prezident seçkiləri bütün dünyadan izlənmişdir. Aidiyyəti dövlət qurumları tərəfindən atılmış addımların nəticəsi olaraq, keçirilmiş seçkilər müşahidəçilərin mütləq əksəriyyəti tərəfindən azad, ədalətli və şəffaf qiymətləndirilmiş, səsvermədəki seçici aktivliyi mühüm nailiyyət kimi dəyərləndirilmişdir.

 

Seçkilərin nəticəsində Azərbaycanın Prezidenti, Vətənimizə qələbələr bəxş edən böyük sərkərdə İlham Əliyev yenidən xalqımızın böyük inam və etimadını qazanmış, Azərbaycan Respublikasının növbəti 7 il müddətində prezidenti seçilmişdir. Bu xalqın, millətin qələbəsidir! Bu qələbə münasibətilə Prezident İlham Əliyevi partiyamızın adından təbrik edir, ona uzun ömür, cansağlığı və qələbələrlə dolu hakimiyyət arzulayırıq. Bu seçkini qazanan qələbəyə layiq Azərbaycan milləti və bütün dünya azərbaycanlılarıdır. Növbəti zəfərimiz mübarək olsun!”

 

Versus.Az

Xəbər lenti

InvestAZ

Ən çox oxunan xəbərlər

Azərbaycanın ideya və məqsədləri ilə bağlı mesajlar verən BƏYANNAMƏ

"ŞƏT-in Azərbaycana faydası olduğu qədər Azərbaycanın da ŞƏT-ə qiymətli töhfələri var"

"Azərbaycan növbəti dəfə olduqca təsirli bir addım atmış oldu”

Siyasətdə yeni ZÜMZÜMƏLƏR

“Qarabağ Bəyannaməsi artıq o qüvvələri çıxılmaz vəziyyətə salır”

"Deputatların növbəti görüşü də müsbət dəyərləndirilməlidir"

Ürək bulantısı
XƏSTƏLİKLƏRDİRMİ?

Telejurnalist MTM-nin mətbuat katibi oldu

Bu həftədən seçki sənədlərinin DSK-lara təqdim edilməsinə BAŞLANILIR

Azərbaycanda elektron pullar dövriyyəyə BURAXILACAQ

“WhatsApp” casus PROQRAMIDIR

“Deputatların görüşü vacib görüşlərdən biri kimi səciyələndirilməlidir”

Metroplitendən hər kəsi şok edəcək AÇIQLAMA

Sabah beş rayonda qaz OLMAYACAQ

Ölkə Trendində BİRİNCİ