"Bu, Fransanın Azərbaycana qarşı qərəzinin bir hissəsidir"
Mətin Məmmədli: “Fransa ilk növbədə bölgədə özünün geosiyasi maraqlarını təmin etməyə çalışır”
"Bu gün Fransada keçirilən Olimpiya oyunlarında Fransa mediasının nümayiş etdirdiyi mövqe əslində Fransa dövlətinin son illərdə ölkəmizlə, regionumuzla bağlı nümayiş etdirdiyi siyasətin tərkib hissəsidir".
Versus.Az xəbər verir ki, bunu açıqlamasında Beynəlxalq Münasibətlərin təhlili Mərkəzinin eksperti Mətin Məmmədli bildirib.
Onun sözlərinə görə, “frans 2” telekanalının jurnalistləri ölkəmizlə, Qarabağla bağlı yalnış, qərəzli fikirlər səsləndirməsi təsadüfi deyil:
"Fransanın məqsədyönlü siyasətinin Azərbaycana qarşı qərəzli siyasətinin bir hissəsidir. Görünən odur ki, Fransa idman oyunlarından da özünün siyasi məqsədləri üçün istifadə edir. Yəni bu prosesi siyasiləşdirməyə çalışır ki, bu da yolverilməzdir. Hesab edirəm ki, bu, əslində Olimpiya oyunlarının fəlsəfəsinə mahiyyətdə bir zidd davranışdır. Təbii ki, Azərbaycan tərəfindən Fransa mediasının belə bir mövqeyi adekvat qiymətləndirilib. Fransa tərəfindən ortaya qoyulan yanaşma, qərəzli siyasət təəssüf ki, bölgədə sülhə deyil, əksinə, yeni hərbi siyasi gərginliyin yaranmasına səbəb olur. Düşünürəm ki, hər halda Fransa bu siyasətini həyata keçirilməklə ilk növbədə bölgədə özünün geosiyasi maraqlarını təmin etməyə çalışır”.
PƏRİ
versus.az
Xəbər lenti
Sea Breeze “World Architecture Festival 2024” SİYAHISINDA
Dünyanın ən yaxşı turizm məkanlarından birinə çevriləcək