Sizi əsdirənlər düzgün əsdirmədilər...

Kürsüdə “Yeni Xətt” Siyasi Tədqiqatlar Mərkəzinin rəhbəri RAMİL HÜSEYNOVdur

Azərbaycanda son dövrlər çox qurumlar yaranıb. Onlardan biri də şura adı ilə bağlı olub. Amma heç biri şüurlu olmayıb. Bax elə təşkilatlardan birinə də rəhbərlik edən Cəmil Həsənli idi. O Cəmil Həsənli ki…

Bəzi siyasəti bilməyən zavallılar da onların Qərbdən, Avropadan doldurulan əllərində tutduqları şarlara inanırdı. Bunlar o şarları havasından küləkləyirdi. Böyük iddialara düşmüşdülər. Siz özünüzün ən pik nöqtənizdə belə o iddialarda olmamısız. Parlamentdə təmsil olunanda özünüzü bam-başqa aparırdınız. Ən böyuk uğurunuz orda küləkləməyiniz olub. O küləklərin də heç bir xeyri olmadı, sizi əsdirənlər düzgün əsdirmədi.

Yaxşı, indi siz özünüzü tam təslim etmisiz şar dolduranlara. Nəyin peşindəsiz? Şuranıza milli don geyinməklə milli olmaq olmur. Milli şüur olmalıdır. Əgər o yoxdursa, nə rəngdə geyinirsiz geyinin, milli ola bilməzsiz.

Dəyərli həmvətənlilər, bu gün bizim ölkəmizə həmrəylik, birlik, bərabərlik lazımdır. Biz tarixin ən şanlı səhifələrini özümüz üçün açmışıq və bu tarixi qan tökməklə, şərəflə yazmışıq. Bu tarixi qorumaq bizə can verməklə, şəhidlərimizlə başa gəlib. Yaşatmaq hər bir vətəndaşın borcudur. Torpaqlarımız düşmən tapdağında olanda əslində milli olan bizlər, vətənə bağlı olan bizlər hansı hissləri keçirirdik. Uzun illər düşmən tapdağında olan o torpaqlar sanki bizə nifrət edirdi. İndi uzümüzü güldürən o torpaqlar şəhidlərimiz, qazilərimiz, doğru siyasət və diplomatik uğurları oldu.

Ondan əlavə bu prosesdə iştirak edənlərin torpağına, millətinə bağlılığı oldu. Məni gətirsinlər hakimiyyətə, mən torpaqları verərəm deyən siyasətçi milli ola bilərmi.

Yuxarıda qeyd etdiyim cümləni diqqətlə oxuyun… Bu gün o insanların seçkidən, siyasətdən, xalqa söz verməkdən danışmağa mənəvi haqqı yoxdu. Bu küləklər heç kimə lazım deyil. Bizim xəzrimiz, gilavarımız bizə bəsdi, siz özünüzə sənət tapın, şar zavodu açın, yaxşı sahibkar olun. Mən hakimiyyətdən xahiş edərəm sizə çox aşağı faizlə kredit ayırsın və qısa zamanda uğurlu sahibkar olasız…