İdmançılar bağırsaq infeksiyasına yoluxdular

İsveçrəli triatlonçular Adrien Briffod və Simon Vestermann bağırsaq infeksiyası səbəbindən Paris Olimpiadasında qarşıdan gələn qarışıq estafetdə iştirak edə bilməyəcəklər.

TASS-ın məlumatına görə, bu barədə İsveçrə Olimpiya Komitəsinin Mətbuat Xidmətindən məlumat verilib.

Əvvəlcə oyunlarda fərdi startda 49-cu yeri tutan Briffod yarışda iştirak etməli olsa da, səhhətində yaranan problemlərə görə sonradan onu Vestermann əvəz edib. Lakin bundan sonra Vestermannda da bağırsaq infeksiyası aşkarlanıb və bu səbəbdən onun müsabiqədə iştirakı qeyri-mümkün olub.

İndi İsveçrə millisinin heyətində starta Silven Fridlans çıxmalıdır. Son iki nəfər Paris Olimpiadasında fərdi triatlon yarışlarında iştirak etməyiblər.

Xatırladaq ki, triatlonun üzgüçülük hissəsi Sena çayında baş tutub. Sena çayının yağış üzündən çirklənməsi səbəbindən triatlonçuların 28 və 29 iyulda məşq tədbirləri ləğv edilib. İyulun 30-da təşkilatçılar eyni səbəbdən kişilərin yarışını təxirə salıblar. İyulun 31-də Olimpiya Təşkilat Komitəsi həmin gün baş tutan triatlon yarışlarının keçirilməsinə razılıq əldə edib.

Avqustun 3 və 4-də təşkilatçılar qarışıq estafet öncəsi məşq tədbirlərini ləğv ediblər - birinci gün çayın yuxarı axınında keçən ildırım, ikinci gün Senada suyun keyfiyyətinin qənaətbəxş olmaması səbəbindən.

Avqustun 4-də, həmçinin məlum olub ki, Belçika qarşıdakı estafetdə iştirak etməyəcək və buna səbəb idmançı Kler Mişelin oyunlarda fərdi yarışlarda iştirak etdikdən sonra bağırsaq infeksiyasına yoluxması səbəbindən startı buraxmaq məcburiyyətində qalmasıdır.

Qeyd edək ki, qarışıq estafetin startı Bakı vaxtı ilə saat 10:00-da başlayıb.