Bakıda Akon nostaljisi

Dünyaca məşhur reper Akon Baku Crystall Hall-da möhtəşəm konsert proqramı ilə çıxış edib.

Versus.Az xəbər verir ki, oktyabrın 13-də baş tutan konsert şəhərin musiqisevərlərinə unudulmaz gecə yaşadıb.

Musiqi kariyerasında uzun illərdir uğurla addımlayan Akon “Caspian Media Group”un təşkilatçılığı ilə baş tutan gecədə enerji dolu performansı və sevilən hitləri ilə auditoriyanı “yellədib”.

Konsert zamanı “Smack That”, “Lonely” və “Right Now (Na Na Na)” kimi hit mahnıları səsləndirən ifaçı böyük coşquya səbəb olub.

Akon-ın Bakıya özəl salamı və azərbaycanlı pərəstişkarlarına sevgi dolu mesajları gecəyə xüsusi rəng qatıb.
Tədbirdə Akon-ın həyat yoldaşı, müğənni Amirror da səhnə alıb.

Sosial mediada gündəm olan gecə təkcə musiqi baxımından deyil, eyni zamanda Bakının mədəni həyatında da əlamətdar bir hadisə olaraq yadda qalacaq. Akon-ın Bakıda verdiyi bu konsert şəhərin beynəlxalq səviyyədə tanınan ulduzları qəbul etməyə hazır olduğunu bir daha göstərir.

Ayəndə Dadaşova
versus.az