Azərbaycanı problemli etmək məqsədi daşınır
Aydın Mirzəzadə: "Ona görə müstəqillik qazanmamışıq ki, hansısa ölkələr üzərimizdə siyasi prokuror rolunu oynasınlar"
"Azərbaycanın müstəqil daxili siyasəti Avropada müəyyən dairələrin xoşuna gəlmir. Onlar Azərbaycanı özlərinin satış bazarı, daxili münaqişələrdə öz təbii sərvətlərinə sahib ola bilməyən bir ölkə kimi görmək istərdilər".
Versus.Az xəbər verir ki, bunu Avropa Parlamentində ölkəmizə qarşı göstərilən açıq qərəzlə bağlı açıqlamasında Milli Məclisin deputatı Aydın Mirzəzadə bildirib.
Onun sözlərinə görə, bu baxımdan edilən iradlar, Azərbaycana qarşı hücumlar Azərbaycanı daha yaxşı etmək yox, Azərbaycanı problemli etmək məqsədi daşıyır:
"Onların qəbul etdikləri qərarların, yönləndirdikləri mesajların da kökündə ilk növbədə Azərbaycanı zəiflətmək istəyi durur. Bu isə əlbəttə ki, heç bir zaman Azərbaycan tərəfindən qəbul edilə bilməz. Azərbaycan heç bir ölkənin daxili işlərinə qarşımır və digər ölkələrin də onun daxili işlərinə qarışmasına heç zaman imkan verməyəcək. Ona görə müstəqillik qazanmamışıq ki, hansısa ölkələr bizim üzərimizdə bir siyasi prokuror rolunu oynasınlar, Azərbaycana nəyi necə etmək lazım gəldiyini göstərsinlər. Azərbaycanın kifayət qədər ağıllı, maraqlarımıza uyğun siyasət yürüdən lideri, Azərbaycanın kifayət qədər ölkəsini sevən vətəndaşları, ziyalıları, iş adamları, gəncləri var, Azərbaycan maraqlarını qoruyan demokratik, güclü, nüfuzlu mətbuatı var. Odur ki, Avropa Parlamentindəki Azərbaycana qarşı bu cür aşkar qərəzli qərarlar heç bir zaman Azərbaycanı öz yolundan döndərə bilməz". /hafta.az/
LƏMAN
Xəbər lenti
Sea Breeze “World Architecture Festival 2024” SİYAHISINDA
Dünyanın ən yaxşı turizm məkanlarından birinə çevriləcək