Hafiz Hacıyev: "Vətənimizə rifah, sülh və tərəqqi arzulayıram"

Müasir Müsavat Partiyasının sədri Hafiz Hacıyev 9 noyabr – Dövlət Bayrağı Günü münasibətilə dövlət başçısını, Azərbaycan xalqını təbrik edib.

Versus.Az xəbər verir ki, təbrikdə deyilir:

“2009-cu il noyabrın 17-də Prezident İlham Əliyev "Azərbaycan Respublikasının Dövlət Bayrağı Gününün təsis edilməsi haqqında" Sərəncam imzalayıb. Həmin il dekabrın 4-də isə Milli Məclis noyabrın 9-nu Dövlət Bayrağı Günü kimi rəsmiləşdirib.

30 illik işğaldan sonra üçrəngli müqqədəs bayrağımız işğaldan azad olunmuş torpaqlarımızda - Azərbaycanın ayrılmaz hissəsi olan Qarabağda da dalğalanır. Ali Baş Komandanımızın rəhbərliyi və Müzəffər ordumuzun gücü ilə ərazi bütövlüyümüz tamamlandı, suverenliyimiz bərpa olundu. Artıq üçrəngli, aylı-ulduzlu əzəmətli bayrağımız Azərbaycanın hər tərəfində qürurla dalğalanır.

Cənab Prezident, cənab Ali Baş Komandan İlham Əliyev, Sizi və Sizin timsalınızda xalqımızı 9 noyabr - Azərbaycan Respublikasının Dövlət Bayrağı Günü münasibətilə təbrik edirəm! Qoy üçrəngli bayrağımız müstəqil Azərbaycanın üzərində daim əzəmətlə dalğalansın!

Xalqımıza cansağlığı, səadət, xoş günlər və sevgi, Vətənimizə isə rifah, sülh və tərəqqi arzulayıram!”