AB-da əsas aparıcı ölkələr Almaniya və Fransadan ibarətdir
Natiq Miri: “Avropa özünün geoisiyasi, geoiqtisadi maraqlarını müdafiə edə bilmir”
“Bizim Avropa Birliyinə onsuz da etimadımız yox idi. Ancaq beynəlxalq səviyyədə bəlli olur ki, Avropa strukturları ciddi mənada kriminallaşıb. Bütün qərarlar sadəcə olaraq Avropa məkanının, siyasi birliyinin maraqlarına uyğun deyil, konkret ayrı-ayrı insanların maraqlarına uyğun qəbul olunur”.
Versus.Az xəbər verir ki, bunu politoloq Natiq Miri Avropa Parlamentində yeni rüşvət, korrupsiya qalmaqalı və bu quruma bundan sonra göstərilən etimadsızlıqla bağlı bildirib.
N.Miri bildirib ki, bu gün ifşa olunan hadisə ondan ibarətdir ki, parlamentdə olan bəzi nümayəndələr ayrı-ayrılıqda müəyyən şəbəkələrə, onların kriminal maliyyələrinə xidmət edir:
“Bu cür insanlar vasitəsi ilə hər zaman qlobal maliyyə şəbəkələri, dövlətlər, güc mərkəzləri özünün geosiyasi maraqlarını təmin edirlər. Əks halda təqdirdə də təzyiq xarakterli beynəlxlaq ictimai fikir, müəyyən haqsız, ədalətsiz sənədlərin qəbuluna şərait yaradıblar. Azərbaycan, Türkiyəyə qarşı qəbul olunan qərarlar da bu kontekstdədir. Çünki indiki vəziyyətdə Azərbaycan Avropa Birliyinin təhlükəsziliyinə bu qədər töhfə verərkən Azərbaycanla münasibətlər sistemini korlamaq Avropa Birliyinin maraqlarna uyğun deyil. Avropa Parlamenti Avropa Birliyinə aid bir struktur deyilmi… Demək ki, idarəetmə məsələsi baxımından ciddi problemlər var”.
N.Miri qeyd edib ki, Avropa Birliyində əsas aparıcı ölkələr Almaniya və Fransadan ibarətdir:
“Avropa Birliyi strukturlarına rəhbərlər seçiləndə də bu yöndə ciddi rəqabət olur və bunun nəticəsi nəzərə alınır. Bəzən müəyyən balans yaradılaraq ya Almanıyanın, ya da Fransanın siyasətçiləri rəhbər olaraq yer alırlar. Bu faktın özü göstərir ki, xarici siyasəyində ciddi boşluqlar var. Avropa məkanı parçalanmaq təhlkəsi ilə üz üzədir. Avropa vahid məkan olaraq özünün geoisiyasi, geoiqtisadi maraqlarını müdafiə edə bilmir. Azərbaycan bütün region dövlətləri ilə siyasi iqtisadi əlaqələrini sürdürməklə bərabər ciddi inteqrasiya etməli olduğu yeganə məkan Türk dünyasıdır”.
Tahirə Qafarlı
Xəbər lenti
Sea Breeze “World Architecture Festival 2024” SİYAHISINDA
Dünyanın ən yaxşı turizm məkanlarından birinə çevriləcək