Kiralık aşkın Aydilgesi ilk dəfə Bakıda

“Aşk paylaşılmaz”, “Yine ben aşık oldum”, “Yanqın var” ifaları ilə tanınan Türkiyəli sənətçi Aydilge ilk dəfə Bakıya gələcək.

Versus.Az xəbər verir ki, “Kiralık aşk” filminin musiqiləri ilə məşhurluğuna məşhurluq qatan Aydilge filmdə səsləndirdiyi “Kiralık aşk”, “Yangın var”, “Aşka gel” adlı mahnılarıyla izləyicilərin qəlbinə yol tapa bilib.

Aydilgenin Bakıya gəliş səbəbi 13 İyulda iştirak edəcəyi “Quality Fest”dir.

Quality Event şirkəti tərəfindən təşkil olunmuş “Quality Fest”-də Aydilge ilə yanaşı Türkiyənin digər tanınmış ulduzları da iştirak edəcək. İfaçılar arasında bir neçə dəfə Azərbaycanda olmuş İlyas Yalçıntaş, Emre Aydın, gənclərin sevimlisi Can Ozan və Mert Aydın iştirak edəcək.

Festival 13 İyul tarixində EGP arenada təşkil olunacaq. Biletləri “Quality Event” in instaqram səhifəsindən, şəhərin kassalarından və İticket.az saytından əldə edə bilərsiniz.

Ayəndə Dadaşova
versus.az