Azərbaycana qarşı lokal HÜCUM
Natiq Cəfərli: "Rəsmi Ankara da problemin böyüməsinə imkan verməz"
“SOCAR-ın İstanbuldakı ofisinə bir qrupun hücumunun geniş vüsət alacağını düşünmürəm. Çünki etiraz etmək üçün səbəb də yoxdur”.
Bu sözləri iqtisadçı ekspert Natiq Cəfərli “Fələstin Üçün Min Gənc” təşkilatının SOCAR-ın İstanbul ofisinə basqın etməsi fonunda Bakının İsrailə neft satışını dayandırması ehtimalı haqda açıqlamasında deyib.
O bildirib ki, sözügedən aksiya bir qrup insanın lokal etirazıdır:
“Azərbaycan neft ixracını həyata keçirir və uzunmüddətli müqavilələrlə çalışır. Etiraz edənlər başa düşmürlər ki, İsraillə bağlanan müqavilələr bir neçə il müddətində razılaşdırılıb. Ondan imtina etmək mümkün deyil. Bu hal baş verərsə, məhkəmələrdə Azərbaycana qarşı cərimələr tətbiq edilə bilər. Digər tərəfdən razılıqdan niyə imtina edilməlidir? Rəsmi Bakı öz malını satır. Əksi olarsa, İsrail başqa ölkələrdən də neft ixrac edə bilər”.
İqtisadçı qeyd edib ki, etirazların heç bir əsası olmadığı kimi, nəticəsi də olmayacaq:
“Ümumiyyətlə, bu etirazlar çox yersiz və lokaldır. Aksiyaların geniş vüsət alacağını düşünmürəm. Rəsmi Ankara da problemin böyüməsinə imkan verməz”. /globalinfo.az/
Xəbər lenti
Sea Breeze “World Architecture Festival 2024” SİYAHISINDA
Dünyanın ən yaxşı turizm məkanlarından birinə çevriləcək