Şəhidimizin xatirəsi Qəbələdədəki Şuşa məktəbində anıldı

12:54 04-06-2024 | icon 277 | Şəhidlər və şahidlər
Şəhidimizin xatirəsi Qəbələdədəki Şuşa məktəbində anıldı

May ayının 31-də Şuşa rayon 24 nömrəli ümumi orta məktəbin Uşaq Birlik Təşkilatı rəhbəri Ramella Quliyeva tərəfindən 44 günlük Vətən müharibəsi zamanı Füzuli şəhərinin işğaldan azad olunması uğrunda gedən döyüşlərdə qanı, canı ilə tarix yazmış, Azərbaycan Silahlı Qüvvələrinin leytenantı əslən Şuşa şəhərindən olan Həsənov Nurlan Nadir oğlunun əziz xatirəsinə həsr olunmuş tədbir keçirilib.

 

Versus.Az xəbər verir ki, tədbirdə şəhid Nurlan Həsənovun atası Nadir Həsənov, anası Həqiqət xanım, bacısı Gülnar xanım, şəhidimizin həyat yoldaşı, övladları Nurgül və Məhəmməd iştirak edib.

 

Tədbirdə Qəbələ şəhərindən olan şəhidlərimizin anaları, ataları, Ailə, Qadın və Uşaq Problemləri üzrə Dövlət Komitəsi yanında İctimai Şuranın üzvü Arzu Əliyeva, Qəbələ Şəhər Şəhid Ailələri Cəmiyyətinin sədri Təranə Alməmmədova, məktəbin müəllim və şagird kollektivi iştirak ediblər.

 

Tədbirdə ilk olaraq Azərbaycan Respublikasının Dövlət Himni səsləndirilib. Daha sonra Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edilib...

 

Şəhid leytenant Nurlan Nadir oğlu Həsənovun keçdiyi döyüş yolundan, göstərdiyi şücaətlərdən tədbir iştirakçılarına dolğun məlumat verilib.

 

Çıxışlardan sonra şagirdlərin ifasında Şəhidlərimizə həsr olunmuş şeirlər, musiqilər və qısa səhnəciklər təqdim olunub. Təqdim olunan bir çox şeirlər və kompozisiyaların hazırlanmasında Azərbaycan Jurnalistlər Birliyinin üzvü, məktəbli şair-publisist Sevindik Nəsiboğlunun Şəhid Nurlan Həsənovun əziz xatirəsinə həsr etdiyi “Zəfəri nurlandıran Nurlan” adlı kitabından istifadə olunub. “Nurgülün atasına məktubu” kompozisiyası tədbir iştirakçılarına kövrək anlar yaşadıb.

 

Tədbir iştirakçılarına üzrlü səbəbdən tədbirdə iştirak edə bilməyən gənc yazar Sevindik Nəsiboğlunun şəhidimizin haqqında yazdığı məqalələrinin “Kredo” qəzetində dərc olunmuş nüsxələri və “Zəfəri nurlandıran Nurlan” adlı kitabı hədiyyə olunub. 

 

Şəhidlərimizin əziz xatirəsinə həsr olunmuş Xarıbülbül rəqsi tədbir iştirakçıları tərəfindən alqışlarla qarşılanıb. Şəhidimizin ailə üzvləri tədbiri təşkil edənlərə və şəxsən məktəbin Uşaq Birlik Təşkilatı rəhbəri Ramella xanım Quliyevaya dərin minnətdarlıqlarını bildiriblər.

 

 

 

Versus.az

Xəbər lenti

InvestAZ

Ən çox oxunan xəbərlər

“Əgər bu bizim milli maraqlarımıza təsir edəcəksə…”

Brilliantdan yeni layihənin ANONSU

COP29 viza müraciət sistemi AKTİVLƏŞDİRİLİB

Dördüncü "Yüksəliş" müsabiəsinin FİNALÇILARI

İki universitetə yataqxana TİKİLƏCƏK

Rusiyada təyyarə QƏZASI

“Bu, üçtərəfli görüşün anlamını bir daha dünyaya bəyan etdi”

Xalq artisti “İnklüziv ayı” layihəsinin bağlanış mərasimində

İtmiş dünya

“İrəvan” futbol komandası bütün yarışlardan KƏNARLAŞDIRILIB

Sarı və narıncı XƏBƏRDARLIĞI

Elxan Şahinoğlu imzatoplama kampaniyasına BAŞLAYIB

İctimai nəqliyyatda tələbələr üçün GÜZƏŞT

Tovuz döyüşlərindən 4 il ÖTÜR

Ermənilərin mənimsədiyi “Qarabağ” Yutubdan SİLİNDİ