"AZAL-ın daha çox qazanmaq istəyi narazılığa səbəb olur"

13:19 04-06-2024 | icon 263 | Cəmiyyət
"AZAL-ın daha çox qazanmaq istəyi narazılığa səbəb olur"

Fuad Əliyev: “Gürcüstan və Türkiyəyə uçuşların baha olması ümumiyyətlə anlaşılmazdır"

 

“AZAL bu yay vətəndaşlar üçün qiyməti əlçatan uçuşlar təşkil etməlidir. Ən azı Gürcüstan və Türkiyə kimi qonşu ölkələrə gediş-gəliş çox ucuz olmalıdır".

 

Versus.Az xəbər verir ki, bu sözləri açıqlamasında Müstəqil Həmkarlar Birliyinin (MHB) sədri Fuad Əliyev deyib.

 

Fuad Əliyevqeyd edib ki, Avropanın bir ölkəsindən digər ölkəsinə həddən ucuz qiymətə uçuşlar var və bu, adiləşmiş haldır. Azərbaycandan Türkiyə və Gürcüstana uçuş isə bahadır:

 

"Tiflisə bir saatlıq uçuşdur, eynilə Naxçıvanla məsafə kimi, deməli, biletin qiymətini 50-60 manatdan müəyyən etmək, reyslərin də sayını artırmaq olar. Eyni zamanda, Türkiyəyə də 80-100 manat olması mümkündür, sadəcə, AZAL daha çox qazanmaq istəyir. Necə olur ki, Romadan Amsterdama ucuz uçmaq olur, Bakıdan Tiflisə yox?!”

 

F.Əliyev qeyd edib ki, quru yollar 4 ildir bağlıdır və yaxın zamanda açılması gözlənilmir. Onun sözlərinə görə, bu səbəbdən AZAL yay mövsümündə vətəndaşlar üçün ucuz reyslər təşkil edə bilər:

 

“Ümumiyyətlə, Gürcüstan və Türkiyəyə uçuşların baha olması anlaşılmazdır. Bunun heç bir izahı yoxdur. Biz qardaş ölkəyiksə, niyə ora bir adamın gediş-dönüşü 700-800 manat etməlidir? Başqa ölkələr öz qonşularına səfərləri çox ucuz ediblər. Məncə, burada AZAL ciddi addımlar ata bilər. Çünki əhali yayda Türkiyə və Gürcüstana getmək istəyir, amma qiymətlər heç də hamı üçün əlçatan deyil”.

 

AYSEL
versus.az

Xəbər lenti

InvestAZ

Ən çox oxunan xəbərlər

“Əgər bu bizim milli maraqlarımıza təsir edəcəksə…”

Brilliantdan yeni layihənin ANONSU

Dördüncü "Yüksəliş" müsabiəsinin FİNALÇILARI

COP29 viza müraciət sistemi AKTİVLƏŞDİRİLİB

İki universitetə yataqxana TİKİLƏCƏK

Rusiyada təyyarə QƏZASI

“Bu, üçtərəfli görüşün anlamını bir daha dünyaya bəyan etdi”

Xalq artisti “İnklüziv ayı” layihəsinin bağlanış mərasimində

İtmiş dünya

“İrəvan” futbol komandası bütün yarışlardan KƏNARLAŞDIRILIB

Sarı və narıncı XƏBƏRDARLIĞI

Elxan Şahinoğlu imzatoplama kampaniyasına BAŞLAYIB

İctimai nəqliyyatda tələbələr üçün GÜZƏŞT

Tovuz döyüşlərindən 4 il ÖTÜR

Ermənilərin mənimsədiyi “Qarabağ” Yutubdan SİLİNDİ