ANAMA ay ərzində 809 ədəd partlamamış hərbi sursat aşkarlayıb
ANAMA 2019-cu ilin oktyabr ayı ərzində ərazilərin mina və partlamamış hərbi sursatlardan (PHS) təmizlənməsi əməliyyatları barədə məlumat yayıb.
Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) Versus.Az-a bildirilib ki, 2019-cu ilin oktyabr ayı ərzində Agentlik tərəfindən Abşeron, Ağcabədi, Ağdam, Ağstafa, Cəbrayıl, Cəlilabad, Füzuli, Göygöl, Xocavənd, Kürdəmir, Qazax, Oğuz, Tərtər, Tovuz, Ucar, Yevlax rayonları, Bakı, Gəncə, Sumqayıt və Mingəçevir şəhərləri ərazisində 1 527 171 m² (152,72 ha) ərazi yoxlanılmış, 809 ədəd partlamamış hərbi sursat (PHS), 1 ədəd piyada əleyhinə mina, 4 ədəd tank əleyhinə mina (cəmi: 814 ədəd) və 208 ədəd müxtəlif çaplı patronlar aşkar edilərək zərərsizləşdirilmişdir.
Əməliyyatlarda 459 nəfər əməliyyat heyəti, 123 nəfər inzibati heyət, 6 mexaniki minatəmizləmə maşını və 40 minaaxtaran it iştirak edib.
İndiyədək cəmi 539 334 723 m² (53 933,47 ha) ərazi təmizlənmiş, 805 664 ədəd mina və partlamamış hərbi sursat (PHS) tapılaraq zərərsizləşdirilmişdir.
Versus.Az
Xəbər lenti
Görkəmli bəstəkarın doğum günüdür
Azərbaycan bəstəkarı, SSRİ Xalq artisti, Stalin mükafatı laureatı...