"Dünya bilməlidir ki, bu torpaqlar bizim olub"
Füzuli Kərimov: "Abidəni dağıda bilərlər, amma tarixi silə bilməzlər"
“Gec də olsa, nəhayət, bu addım atılıb. Dünya bilməlidir ki, bu torpaqlar əzəldən bizim olub".
Versus.Az xəbər verir ki, bunu Azərbaycan Liberal Demokrat Partiyası (ALDP) sədrinin müşaviri Füzuli Kərimov Qərbi Azərbaycan (İrəvan) Respublikasının elan olunmasını şərh edərkən deyib.
F.Kərimov vurğulayıb ki, tarixə ekskurs edəndə, xəritəyə baxanda İrəvan xanlığının ərazisini görürük və bu ərazidə ermənilərə aid heç nə olmayıb:
"Ermənilərin İrəvan xanlığına və Qarabağa köçürülməsi ilə bağlı tarixi faktlar var. Misal üçün 1978-ci il Dağlıq Qarabağın Ağdərə rayonunun Marağa kəndində İrandan köçürülmənin 150 illiyi münasibətilə abidə ucaldılıb. Ermənilərin gəlmə olduqları haqqında N.Adons, M.Abeqyan, İ.Şopen, F.Lenormanın maraqlı fikirləri var. Torpaqları işğal edəndən sonra bu abidəni dağıtdılar. Abidəni dağıda bilərlər, amma tarixi silə bilməzlər”.
İrəvan şəhərini, Zəngəzuru, Zəngibasarı, Göyçəni, və digər tarixi ərazilərimizi geri tələb etməyin vaxtının çatdığını bildirən müşavir, Gürcüstanda yaşayan azərbaycanlıların tarixi torpaqlarında muxtariyyət respublikasının yaradılması məsələsinin də gündəmə gətirilməsinin vacibliyini qeyd edib. /Baku News/
LƏMAN
Versus.Az
Xəbər lenti
Fuad Muradov 7 kişini şantaj etdi və...
İntim video, şəkillər və digər vasitələrlə şantaj edib