Şikayətlər Sahil Babayevə GÖNDƏRİLDİ

12:00 07-09-2023 | 527 | Cəmiyyət

Müstəqil Həmkarlar Birliyinin (MHB) sədri Fuad Əliyev Əmək və Əhalinin Sosial Müdafiəsi naziri Sahil Babayevə müraciət ünvanlayıb.

Versus.Az xəbər verir ki, müraciətdə deyilir:

"Əmək və Əhalinin Sosial Müdafiəsi naziri cənab Sahil Babayevə.

Hörmətli Sahil müəllim!

Yazıb sizin nəzərinizə çatdırdırırıq ki, son 3 ayda Azərbaycanın müxtəlif bölgələrindən Müstəqil Həmkarlar Birliyinə Əmək və Əhalinin Sosial Müdafiəsi Nazirliyinin tabeliyində olan Dövlət Məşğulluq Xidmətinin vətəndaşlara qarşı laqeyidliyi ilə bağlı şikayət məktubları daxil olmaqdadır.

Sizdən xahiş edirik ki, aşağıdakı siyahıda qeyd olunmuş vətəndaşların müraciətləri ilə bağlı araşdırma aparılaraq, bu barədə bizə və vətəndaşlara məlumat verilməsini təmin edəsiniz.

1. Şamaxı rayonu sakini Zahidov Mahir Babacan oğlu ( FİN: 3CQ32QQ) bildirir ki, işsizliklə bağlı müraciətinə baxılmır.

2.Çulbalayev Şəhriyar Ağayar oğlu (FIN:4BFRZC8) özünəməşğulluq üçün müraciət etmişdir, lakin müraciətdən 1 il keçməsinə baxmayaraq monitorinqin aparılması həyata keçirilməyib.

3.Qarabağ müharibəsi veteranı Məmmədov Oktay Əli oğlu(FİN: 3YVWTYV) 1 ilə yaxındır ki,Dövlət məşğulluq xidmətinə özünə məşğulluqla bağlı müraciət etmişdır və hələ də monitorinq aparılmamışdır.

4.Şamaxı rayonu sakini Zəkəriyeva Zeynəb Ağayar qızının işsizlik müavinəti ilə bağlı müraciəti Dövlət məşğulluq xidməti tərəfindən hələ də cavabsız qalmışdır.

Əvvəlcədən minnətdarlığımı bildirirəm".