15 yaşlı qız adətlərin ucbatından timsaha yem oldu
681 |
Maraqlı
Hindistanda 15 yaşlı qız timsahın qurbanına çevrilib.
“The Indian Express” nəşri xəbər verir ki, faciə Hindistanın qərbində Qücərat ştatında baş verib.
Yeniyetmə qız yırtıcının hücumuna yaşadığı kəndin yaxınlığında, çayda çirkli qabları yuduğu zaman məruz qalıb.
Faciənin canlı şahidi olan qızın rəfiqəsi bildirib ki, timsah onun gözləri qarşısında sudan çıxaraq rəfiqəsini tutub və özü ilə birlikdə çayın dərinliklərinə aparıb.
Qızın cəsədi bir neçə saat sonra tapılaraq sudan çıxarılıb.
Qeyd olunur ki, faciənin baş verdiyi kənddə su xətləri çəkilsə də, yerli sakinlərin adətinə görə evin qab-qacağı məhz timsahlarla dolu olan çayın suyunda yuyulmalıdır.
Hadisədən sonra yerli qurumlar yırtıcı heyvanı yaxalamaq üçün çayda xüsusi timsah tələsi qurublar.
Xəbər lenti
Azərbaycanda dəhşətli hadisə
Piyadanın meyitini onu vuran yük maşınına qoydular
